Popular Bible Verses from Lok 12

Share

Miitahsh peshikwan kekiinawaa keshi oshiihtaayekipan mooshak, aaniihsh Inini oKosihsan tapi takohshinoon ahpii tipa'ikanink kepii'imaahsiwek.”

Nawac tahsh antone'amowaahk otookimaawiwin, kika miinikoowisim tahsh onoweniwan kaye.”

Miitahsh kaa'inaatc kahkina i'imaa kaakii'-ayaanitc: “Ayaankwaamisik, kanawenintisok ciayonsaamisihsiwek, aaniihsh kaawiin awiya onci pimaatisihsii aaniin minihk kekoon eyaatc, mihsawaa ko aana kihci wenootisitc.”

Aanti hsa piko keayaak kaakihci inentamek, mii hsa 'imaa keayaakin kite'iwaan.”

Kinwesh ina kitaaonci pimaatis e'⁠mikoshkaatentaman? Kekeht ina kinwesh tapimaatisi?

Miitahsh o'o Ciisahs kaa'inaatc okihkino'amawaakana': “Keko onci mikoshkaatentankek kipimaatisiwiniwaan, wekonen kemiiciyek, wekonen kaye keminihkweyek. Keko kaye onci ocaanimentankek kiwiiyawiwaan, wekonen kaye kekikishkamek.

Inashke tahsh kiinawaa kaatahso peshikwahkin kiinisihsiwaan kahkina kihkencikaatewan entahsinkin. Keko tahsh kiinawaa sekisihkek, nawac kiinawaa kikihci inentaakosim ahpiihc wiin iki miskominihkehsiwak!”

“Keko tahsh sekisihkek, kiinawaa kaa‑akaahsiinoyek maanahcaanihshenhsak Koohsiwaa ohsha otishi minwaapantaan cimiininek kekiinawaa citipencikeyek i'imaa oTipencikewinink.

Inashke kaakaakiwak kaapapaamihsewaatc, kaawiin kihtikehsiiwak, kaawiin kaye maawacihcikehsiiwak. Kaawiin kaye otayaahsiinaawaa miicimikamik, ahtaahsowikamik kaye. Shaakooc tahsh Kishemanitoon otahshamikowaan. Kaawiin ina kiinawaa awahshime kitahpiihtentaakosihsiim ahpiihc iki pinehshiinshak?

Keko tahsh onci mikoshkaatentankek wekonen kemiiciyek, keminihkweyek kaye? Keko ocaanimentankek.

Kishemanitoo iitok kaapihcikonayehtootc mashkohsiin eyaanikin pikwacaya'ii. Noonkom kaakiishikahk eyaanikin ini mashkohsiin, waapaninik tahsh e'⁠macohte wepinikaatekin. Nawac itahsh kiinawaa kika pihcikonaye'ikowaa. Etatawe akaahsentaakwan kitepwehtamowiniwaa.

Kekoon hsa piko kaa‑akwana'ikaatek tamohshe naakohcikaate, kekoon kaye kaakiimootentaawahk takihkentaakwan.