Popular Bible Verses from Lok 5

Share

Ahpii tahsh kaaishkwaa kakitotc, mii 'i kaa'inaatc Saaimanoon: “Niminaaweya'ii kaa‑ahkokiishkaayawaak, mii weti ishi pahkopii'o kitahsapiim, cipita'anaayan kiikooyak.”

Miitahsh kaa'ikotc: “Okihkino'amaake kapetipihk ohsha nintaanakiih kihcianohkiimin ehpakita'waayaank. Kaawiin kekoon nintoonci pita'anaahsiimin. Kiishpin tahsh wiin pakita'waan ishiyan, miinawaa ninka pahkopii'waa nintahsapiim.” Miitahsh kaa'ishi pakita'waawaatc. Niipiwa' kiikooya' ekiih pita'anaawaatc, miihsh kaakii'maacii piikoshkoosonitc otahsapiiwaa'.

Ciisahs itahsh wiin ehta kii'nihtaaishaa i'imaa pikwatahkamik ekii'awi anta anami'aatc.

Kaawiin wiin kaakii'onci piishaayaan ciantomakwaa ikiweniwak kaakwayahkwaatisiwaatc, iki hsa piko omacitootamook cikwehkaatisiwaatc.”

Ahpii tahsh Saaiman Piitar (Simon Peter) kaa'waapantank aaniin kaa'ishihsenik kii'ociciinkwanapihtaa enaahsamiinitc Ciisahsoon. Miihsh kaa'inaatc: “Tepencikeyan niin hsa wiinke nimacipimaatis. Ishinaakwan hsa cinakashiyampan.”

Miitahsh Ciisahs kaaishi nahkwehtawaatc: “Awiyak kaaminoayaawaatc kaawiin onantawenimaahsiwaawaan mashkihkiiwininiwan, ikiweniwak ehta kaa‑aahkosiwaatc.

Miitahsh kaaishi ihkopitoowaatc ociimaaniwaa i'imaa mihtahkamik. Kahkina kekoon ekii'-nakatamowaatc, ekiih piminisha'waawaatc Ciisahsoon.

Peshikwaa tahsh Ciisahs e'⁠ayayaatc peshik kihci otenaank, kii'ayaawan i'imaa peshik ininiwan misiwe enihshimikiinitc. Ahpii ewaawaapamikotc mii 'i kaakiihpi ahpakinitisonitc enaahsamiitc ehpakohsenimikotc ekii'ikotc: “Tepencikeyan, kiishpin inentaman kitaa kashkihtoon cikiih pehki'iyampan.” Miitahsh Ciisahs kaa'ishi niiminihkenitc ehsaaminaatc ekii'inaatc: “Mii 'i tepwe enentamaan, kika pehki'ikoowis,” okii'inaan. Miitahsh iko shemaak kaakii'-nakanikonitc i'iweni eshi omikiiwinihpan.

Shaakooc itahsh Ciisahs otipaacimikoowin aanciihke waahsa kiiani ompweshkaamakanini. Niipiwa' kaye awiya' kiihpiishaawa' ehpianta pisintaakotc, kaye tahsh ciminoayaa'aatc i'iweni otaahkosiwinini.