Popular Bible Verses from Luka 6

Share

Məpsit ɗii meɓɓeti, Maŋgəlva wapsukum, zəga naw sla zəgaŋka mogoni, aslak paah setete, azi sukumək adəv ziba na lukut nokuməŋ metiŋginiŋka. Yaŋ zəga məs kədawslenin ɗii dəndənnəŋka, dəndəni Maŋgəlva adawslukum.

Ɗəf mogon wagil gən zəga mogon səki wəzaɓan sə makranəŋ bo mogoni. Ɗəf mbrayen, wagil gən mambray səki məs azaɓan amkranəŋka. Vi ma ɗəf wapel an makra ɗəf aɗamə.

Amma məŋliw məzu zel kuməni məgəɗ sit mogoni məza wəɗum na wanərahə ɓa. Wakərəhaŋ riba diiɗa, wakəkpaŋgaŋ kirtin Maŋgəlva an dəday pakə. Vi ɗəf mogoni azet ɗii mogeti dit məɗɗaŋ mambray pakə.

Məsoŋ də ula saha va Affukum asan məwəl saha.

Kədawtawaŋ kita aket ɗii meɓɓet ɓa, Maŋgəlva bo ataw na kita akokum ɓa. Kədazlbenin ɗii də kita ɓa Maŋgəlva bo azlbukum na də kita ɓa. Məviyan sit mambray net ɗiiyi Maŋgəlva bo waviyan sukum mambray nokum.

Intatə nah sukum, munokum məzapprəmən wəpel nawa: Məŋglu məzu zelkuməni, məgəɗ mogon sit məɗɗaŋ hire nokum. Məgəɗsit zəzay sit məzu raygukuməni. Məzuli viyit məzu zəm gukumən saha.

An məs kəŋglaŋ ɗii dəɗɗanən sukumən gən nəŋka, məɗɗa sit ɗii tamə.

An ɗəf avərkuk aka tapaslayuk dahãh, akpaŋgan sən an dahãh əmpa. An ɗəf agəmək lukut metiŋgin noko, kəl takən daw gəmət akən muzliyək ɓa. Ko mi ɗəf assoh pak apsəni. An ɗəf agəmək zəga noko, kədawkayan ɓa.

Wəlaŋga mogon awə na kirtin mbreyit ɓa, wəlaŋga mbrayen awə na kirtin moget ɓa.

Wəlaŋga pak kaw səni də uwa nani. Kaw ɓuhi sukoyo səka gedirge ɓa, kaw ɓuhi uwa na vin səka dezeze ɓa.