Popular Bible Verses from Matiye 5

Share

Kasɗani offo adəv pitirla vi kaw ɗəp hilu akan ɓa, say kaw ɗiyən aka mətoŋgotoŋgo vi dəkasekgən gən ɗii neŋgil pakə. Say babar nokum də kasak gən vaska, abet ɗii pakə, vi ɗii dulanən gən wəza mogon nokum də gakdakanən gən Affukum ana disiŋ.

Munokumtə təki məzu wiɗ na duniya, walaŋ gəla naka mosorgo aɗam na ɓa.

Zəzay azet ɗiiyen məs mekret bar, net wawlanən Maŋgəlva.

Zəzay azet ɗiiyen məzu kayaŋ kaɗɗa əŋgla na Maŋgəlva də mekret pakə, Maŋgəlva wabah sit daɗɗa an məs akayaŋ.

Amma naw əntatə nah sukum: Miŋglu məzuzel kumoni, məkaman Maŋgəlva viyit məzərmaŋ mama azokum.

Zəzay azet ɗiiyen dəsənən zit na məs sahaŋɗeŋ aba Maŋgəlva, net wasoŋ də Maŋgəlva adəv məlĩ nani.

Zəzay azet ɗiiyen məzu sleretin ɗiiyi, net wasoŋ kirtin Maŋgəlva.

Zəzay azet ɗiiyen məzuhəmaŋ vi mambray na duniya net Maŋgəlva waɓit giti.

Zəzay azet ɗiiyen mərma meti vi adaɗɗaŋ an Maŋgəlva aŋgələ, net wasoŋ də Maŋgəlva adəv məlĩ nani.

Zəzay azet ɗiiyen mulaŋ saha aket ɗiiyi, net Maŋgəlva wawəl saha aketi.

Zəzay azokum, an ɗii arokumənka, armaŋgək mama azokum awaŋ sukumənək wənna vi kusoŋ gewleɗ nawa. Mənneken zukum, zukum dəsan neki vi riba diiɗa tay gukum a disiŋ vaski aɗɗaŋ sitin məs kleŋɗe en dabəŋ kikum.

Zəzay azet ɗiiyen məza aɗɗaŋ ɗarɗar ɓa, net Maŋgəlva wapsət dəlva va anahə.

Va bəttu adawtər wəray aza zəga nawzəma, vaski kədawtəraŋ wəray aza duniya. Amma an bəttu azanək lellem nani, mbari lellem nan adawsan əmpa di? Bəttu nan atər na wəray ɓa, say wəfukkun ɗii də ndapanən gəni.

Məsoŋ məza də mambray ɓa, va Affukum na disiŋ nan tay də mambray ɓa.

Say mənah na: Ha'aw ha'aw, walla awwo awwo, vi wəpel day ki aska səza mambray ade.

Kəpprəmənək va anahə: Harani vi harani, slayni vi slayni. Amma naw na əntatə nah sukum: Kədam ndaganən mambray ɓa.

An horok dəzəŋ ambəɗokuk wəɗɗa mambraya, akdəha, asgan fara'a səzoko. Ɗəɗaah wəzzan gəɓa zuk taka ki zuk pak wəmbat aka offo metiŋgini. An vok dəzəŋ dədaw kuk adəv mambraya, atawa asgan fara'a səzoko, ɗəɗaah wəzzan zuk taka ki zuk pak wəmbat aka offo metiŋgini.