Popular Bible Verses from Luka 3

Share

Wanhu wose viwamalile kubatizigwa, maabaho Yesu nayo kabatizigwa. Viyakalile kotosa, ulanga uvuguka, Muhe Yelile kamuhulumukila muna ulukuli fana lwa nziwa. Dizi dihulikigwa kulawa kuulanga, “Weye iyo mwanangu, nyachende wangu. Ninogeligwe na weye.”

Yohana kawalongela wose, “Niye nowabatiza mweye kwa mazi, mbali kezakwiza yeli mkulu kufosa niye. Niye sifaya kwiinama na kufungula nzabi za vilatu vake. Yeye kezawabatiza kwa Muhe Yelile na kwa moto.

Tendeni vinhu vovilagusa kuwa muleka uhasanyi wenu. Lekeni kuilongela, ‘Bulahimu wasaho yenu!’ Nowalongela, Mulungu kodaha kuyasola mabwe yano na kuyatenda yawe welesi wa Bulahimu!

Nhemo ikigwa imala muna yamazizi kukanha mibiki, ivo chila mbiki uja hawima matunda yanogile wizakanhigwa na kwasigwa muumoto.”

Vino ivo viyandikigwe muna ichitabu cha Isaya, mulotezi wa Mulungu, “Munhu kotanga kulawa kuna dibwilingu, ‘Muitande nzila ya Mndewa. Muhagolose hanhu hondayafose. Chila bonde dimemezigwe, na chila mulima na chilima visesigwe, nzila zohazigoloke zigoloswe, na nzila zihile zikigwe goya. Wanhu wose weli na ng'huli wezauwona ulopozi wa Mulungu!’ ”