Popular Bible Verses from Mātaio 15

Share

Kāreka te au mea tei 'aere mai ki va'o mei roto mai i te va'a, nō roto mai ia i te ngākau, ē ko ēia nei te au mea e vi'ivi'i ei te tangata. Nō roto mai 'oki i te ngākau te au manako kikino, te tā tangata, te 'akaturi, te moeāana, te keiā, te tāpepe pikika'a ē te 'akakino Atua.

Kāre ē ko te mea tei ō ki roto i te va'a te mea e vi'ivi'i ei te tangata, ko tei nā roto mai rā i te va'a, ko te reira te mea e vi'ivi'i ei te tangata.”

‘Tē 'akameitaki mai nei tēianei aronga tangata i āku ki tō rātou ngutu, tei te ātea kē roa rā tō rātou ngākau i āku. 'E 'akamori'anga pu'apingakore ra tā rātou i āku, nō te mea, ko tā rātou au 'āpi'i'anga ra nā te tangata 'ua 'oki te reira i tuku mai.’ ”

I reira kua pa'u atura a Iēsū, nā kō atura ki aia, “E mā'ine, 'e 'akarongo ma'ata tō'ou. Kia 'akapērā'ia rāi ki a koe ki tā'au i 'inangaro ra.” Ē kua ora tākiri akera tāna tamā'ine i taua ora rāi.

Kua 'aere 'ua maira taua va'ine ra, tīpapa maira ki mua i a Iēsū, nā kō maira, “E te 'Atu, e tauturu mai koe i āku!” Kua pa'u atura aia, nā kō atura, “Kāre i te mea meitaki i te rave i te varāoa a te tamariki ē ka titiri atu ei nā te punua kurī.” Kua nā kō maira taua va'ine ra, “'E tika rāi, e te 'Atu, tē kai nei rāi 'oki te au punua kurī i te 'unga'ungā kai e pururū ra mei runga mai i te kaingākai a tō rātou pū.”