Popular Bible Verses from Māreko 12

Share

Kua pa'u atura a Iēsū ki aia, “Ko tēia tei ma'ata: ‘E 'akarongo mai koe, e Īserā'ela, ko te 'Atu, tō tātou Atua ra, 'okota'i 'oki 'Atu. E 'inangaro koe i te 'Atu tō'ou Atua ra ma tō ngākau katoa, ma tō vaerua katoa, ma tō manako katoa, ē ma tō ririnui katoa.’ Ko te rua tēia: ‘E 'inangaro atu koe i tō'ou tangata tupu mei a koe 'ua'orāi.’ Kāre rava 'e 'akaue'anga i ma'ata atu i te reira.”

Kua kāpiki atura a Iēsū i tāna au pipi ki aia, nā kō atura ki a rātou, “Koia mou tāku e karanga atu nei ki a kōtou na, 'e ma'ata atu tā te va'ine taka'ua 'apingakore nei i tuku ki roto i te pi'a 'ātinga i taua aronga kātoatoa. Nō roto mai 'oki te toenga i tō rātou 'apinga ma'ata tā rātou i tuku mai ki roto; kāreka rā aia, noa atu ē kua ngere aia, kua tuku pou roa mai i tāna e ora ai ki roto.”

Ē tē no'o ra a Iēsū i vaitata a'o i te pi'a 'ātinga ra, 'ākara atura aia i te tangata i te tuku'anga i te moni ki roto i taua pi'a 'ātinga ra. 'E aronga 'apinga nui 'oki 'e mānganui tei tuku mai i te moni ma'ata ki roto. Kua 'aere maira tēta'i va'ine 'apingakore, 'e taka'ua 'oki aia, ē kua tuku maira i e rua moni kapa rikiriki ki roto.

Ē te 'inangaro atu i aia ma te ngākau katoa, ē ma te kite katoa ē ma te ririnui katoa, ē te 'inangaro atu i te tangata tupu mei aia 'ua'orāi, 'e ma'ata atu ia i te au 'ātinga karakarātio katoa ra ē te 'ātinga kai 'oki.”

Kua karanga atura a Iēsū ki a rātou, “E 'apai māri i tā Kaisara ki a Kaisara, ē tā te Atua ki te Atua.” Kua vā 'ua atura rātou i aia.