Popular Bible Verses from Matiu 26

Share

Taritigi amuto ge pahutu tataho, amuto ge vagari tai la kilaka, e Satan souka ge tovo lalai amutou. Soioge la kalulu mutou oilo eia vagari, eala moli la vovo mutou kama vagari.”

Eia goio veia giteu mago “Eau ilo buruko pepeho pasi mai ale eau ge peho. Amuto ge pou omaie, eau ge goio ge kaka, amuto ge lagolago omaie.”

Tio, e Iesus tuga moli bakisi soio, eia gotalo mavuta lagu tugu, eia kaka maie “Tete, mave, eia kama koramulia veia eme ge abi taro leau la iloburukola ale pogeaue? Eala moli umala ge tilimuli la masasagala taku, ge tilimuli moli la masasagala taume.”

Ale la kasosogu ale mai la irovilala ale amuto ge rovia veia la merera te La Tahalo Uru me la igogolu taku, eia sesele. La kasosogu ge pagegele, eia ge vimahuli la valalua me hatavivile usu, la vuhula oio te la pileho taku eau ge vimavulaha egiteu te la iruru tegite.

Egite oio alali, e Iesus goio abi la bret isa, eia vaisale La Tahalo uru ovola, eia goio tovia giteu la valalua la vimari tetala. Eia veia giteu mago “Amuto abia, amuto ge alia, ale la mailigu.”

Goio, eia abi isa la kap la vaen, eia vaisale La Tahalo Uru ovola, eia goio abia giteu, eia veia gite mago “Amuto tomi ge liu ovola.

Tio, eia kaka mai ele, eia goio beua soio tegiteu taho tolu, eia hilo egiteu oio mavutati. Eia goio veiale Pita mago “Mave, amuto kama koramulia ge pou taliau la mata la haro isa moli, ia?

Eau vei seselea mutou, eau kati ge liu lou la vaen kara te ale eau ge liu la vaen ale halaba vikapopo le amutou, oata te la balile Tete.”

Tio, e Pita goio loloa e kukureko eia taliti ele, eia gabutala rivu lou la merera ale e Iesus veitiala, ale eia veitiala mago “E kukureko souka ge tali, eme ge tahi taro eau vaka tolu veia eme kama rovi eau.” Tio e Pita gabutala rivu la merera ale e Iesus veiala mai ele, eia ilo buruko pepeho, eia goio gali sogala, eia tali pepehotio.

Hiliti, etato ge tuga! Hiloa, la tahalo ale ge veipaleau gageie eia loio sibitalati ele!”

Tio, e Iesus hiloa mai ele, eia goio veiala mago “Eme ge sugu rivu lou la viso taume soio te la mulila. Egiteu tomi ale vaubi me la viso, egite ge poga tavu la pileho te la viso lou.