Popular Bible Verses from Exodo 15

Share

Ngana karela, Nung mamintu kayung lubus kanaku at daptan yu itang karapatdapat at tuparan ding kautusan ku, e ra kayu paburen misakitan king isanu pa man karing sakit a pepagpa ku karing tau Ehipto. Aku, ing GINU, ing babie kapaldanan kekayu.

Ing GINU ya ing mayupaya kung talapaglualu, ya ing migligtas kaku. Ya ing kakung Dios, at kaku yang purian; ya ing Dios ding makatua ku, king degulan na pagkanta keng kapurian.

GINU, ninu karing aliwang dios ing anti ika? Ninung kekang kalupa king kabanalan mung alang kalupa? Ninu ing makarapat karing milagrung kekang daraptan a binang pagmumulalan?

Kekang pengaku kekang tutuparan, inya ing balen a kekang segipan keka yang pitnubayan, at linub king bansa mung banal.

Miras la king metung a lugal a meyaus Mara, oneng tutung mapait ing danum karin, inya e la mekainum kaniti. Iti ing sangkan nung inya meyaus yang Mara ing lugal a ita. Migreklamu la ding tau kang Moises at ngarang kinutang, Nanu ngeni ing inuman mi? Menalangin yang taimtim i Moises king GINU, at tiru ne ning GINU ing metung a kapirasung dutung. Inyang inatsa neng Moises king danum, milako pait ing danum. Karin na la binie ning GINU ding utus a tuntunan da king pamibiebie ra at karin na la naman pinyubukan.