Popular Bible Verses from Exodo 17

Share

Kabud itas na lang Moises ding gamat na, ding Israelita ila ding maniambut; potang ibaba na lang Moises ding gamat na, ding Amalekita ila naman ding maniambut. Inyang menikal la ding gamat nang Moises kinangwa lang batung maragul di Aaron at Hur a apiluklukan na. Kaybat tinalakad lang mingatba king siping na, at telan da la ring gamat na ba lang e magbaba. E da la pepaburen migbaba ding gamat na angga king limbug ne ing aldo.

Talakad ku arapan yu king metung a batung maragul karin king Bunduk ning Sinai. Pukpukan me ing batung ita, at sumibul karin ing danum a ainum da ring tau. Depatan nang Moises ita king akakit da ring manimuna na ning Israel. Inaus deng Masa at Meriba ing lugal a ita, uling migreklamu la ding Israelita at pinyubukan de ing GINU kanitang ngarang kinutang, Kayabe ta ya ing GINU o ali ta ya?