Popular Bible Verses from Exodo 20

Share

Aku ing GINUNG kekayung Dios a milual kekayu ibat Ehipto nung nukarin kayu meging ipus. E kayu mikaka aliwang dios subali kanaku.

E kayu gagawang larawan para kekayu o nanumang kawangis ning nanumang atyu king banua, keti king yatu o king danuman king lalam ning yatu. E kayu duruku karing idolo o sasamba kareti, uling aku, ing GINUNG kekayung Dios, Dios kung mapangalalu. Parusan ku la detang masama kanaku, at pati na ding lahi ra angga na karing apu ra at apu king tud.

Igalang ye i tata yu at i ima yu ban kumaba ing bie yu king gabun a babie ku kekayu.

Igalang ye ing Aldo ning Sabbath at ipangiling ye.

E ye gagamitan ing lagyu ku king e mayap a kapagnasan, uling aku, ing GINUNG kekayung Dios, parusan ke ing ninumang gagamit e ustu king lagyu ku.

Atin kayung anam a aldo ban daptan ing obra yu, oneng ing kapitung aldo metung yang aldo ning pamagpaynawa a makatalaga para kanaku. Ala metung man a malyaring magobra king aldong iti; e mu ikayu, nune pati na ding anak yu, ding ipus yu, ding sese yung animal o kaya ding dayuan a makipamalen kekayu.

E ye angkaminan ing bale na ning kalupa yung tau. E ye angkaminan ing asawa na, ding ipus na, ding baka na, ding asno na o ing nanumang bandi na.

E kayu sasaksi king e katutuan laban king kenu man.

E kayu makipangalugud.

E kayu makamate kalupang tau.

E kayu manako.