Popular Bible Verses from Exodo 3

Share

Ngana ning Dios kang Moises, Aku ing Aku. At ngana pa ning Dios, Sabian mu karela ini: Ing ausan dang i Aku tinubud na ku kekayu.

Ngana ning Dios, Patnubayan da ka at oyni ing tanda king aku ing mitubud keka. Potang ikua mu na lang alual Ehipto ding Israelita, samban yu ku keting bunduk.

Kanita ngana ning Dios, E ka lalapit. Ilukas mu la ding sandalyas mu uling sagradu ing gabun a tutukluan mu.

Kanita ngana ning GINU, Ikit ku nung makananu lang mipasakitan ding memalen kung Israelita karin Ehipto; dimdam ku ing saingsing da king gamat da ring babie kasakitan karela at balu ku ing kasakitan a daralanan da. Inya tinipa ku ban iligtas ku la king gamat da ring tau Ehipto at idala ku lang lual Ehipto king gabun a malualas at mataba nung nukarin labis-labis ing kabiayan. Iti ya ing gabun da ring Cananeo, Hiteo, Amoreo, Perezeo, Heveo, at Jebuseo.

At karin pepakit ya kang Moises ing anghel ning GINU antimong milalablab a api a manibatan libutad ning metung a tanaman a mababa. Apansin nang Moises king mitatau ya ing tanaman, oneng e ne man masisilab.

Me keni; tuburan da ka king ari ning Ehipto ban kanita ilual me king Ehipto ing balen kung Israel.