Popular Bible Verses from Exodo 31

Share

Pinili ke i Besalel a anak nang Uri at apu nang Hur ning tribu nang Juda. Kitmuan ke king espiritu ku. Dininan keng kabiasnan, kagiwan, at gelingan para king miyayaliwang obrang maki arti. Biasa yang gumulis at magobra king gintu, king pilak ampon tangsu; king pamanabas karing batung itampuk, king pamandukit king dutung, at king miyayaliwa pang obrang maniawad masanting a pangamat.

king sabian na karing memalen na ning Israel ing anti kaniti: Ipangiling ye ing Sabbath, ing aldo a kanakung paynawa, uling metung yang palatandanan para kanaku at para kekayu angga na karing sablang lahi kaybat yu; pakilala na king aku, ing GINU, ing memili kekayu bilang sarili kung balen.

Maging palatandanan yang alang kapupusan para kanaku at karing memalen na ning Israel, uling aku, ing GINU, lelang ke ing banua at ing yatu kilub ding anam a aldo, pero tinuknang kung megobra king kapitung aldo at migpaynawa ku.