Popular Bible Verses from Exodo 9

Share

Oneng pekikuanan kung e ka mate ban apakit ku keka ing upaya ku at mikalat king mabilug a yatu ing kabantugan ku.

Ngana ning GINU kang Moises, Munta ka king ari at sabian mu king ing GINU, ing Dios ding Hebreo, pasabi na ing anti kaniti: Paburen mu na lang mako ding taung pinili ku ban makasamba la kanaku.

Nung pepagpa ke ing gamat ku keka at king balen mu at peparalang salut, pota magisan kayung lubus.

parusan da ka king kapamilatan ning pamiparatang kung pesti karing sabla yung animal: karing kabayu yu, asno, kamelyu, baka, tupa, at kambing. At palto kung pamiyaliwa ra ding animal da ring Israelita ampon ding karing tau Ehipto. Alang bitasang mate karing sese rang animal ding Israelita.

Bukas, king oras a anti kaniti, paratang kung masikan a uran-lipat a e na pa ikit kapilan man ning Ehipto king mabilug nang delanan a kasalesayan. Ngeni pa iyutus mu na king isalilung da na la ding sese rang animal at ing nanu pa mang atyu king marangle. Dugpa ing uran-lipat karing tau at karing animal a mitagan a e makasalilung; magisan la ngang mate.

Mikalat anting alikabuk a mapinu iting abu king mabilug a sasakupan ning Ehipto at nukarin man iti makapasaring tigsang nanaknak karing tau ampon karing animal. Inya kinangwa lang mapilan a kasakmal a abu at tinalakad la king arapan ning ari. Inatsa nang matas Moises iti at mekapasari king panga-tigsan da ring tau ampon ding animal. Nanaknak la deting tigsa.