Popular Bible Verses from Mwanzo 39

Share

Novyo-sivyo, Mola ákiwa pamoja na Yusufu. Iye ákiwa mwananlume wa kusitawi sana-sana, na Miswiri kure ákikala nnyumba mwa ntwawe, mwenye Potifa.

Ntamana, Potifa vyawere navyo piya kangabizi Yusufu mmakono mwake, iye aakiwa na shuguli ya kinu cisaka kuwa conse, ila cakurya cake iye tu basi. Na Yusufu ákiwa munu mwema na kasitawi pakulu futi umbo wake.

Nkulungwa wa kalaboshu ire, kawatwala maperezu piya kangabizi Yusufu na piya kazi zikitendiwa, Yusufu ndi akisema kuwa zitendiwe ezi kazi-zi.

Potifa ntwawe Yusufu akamuru atwariwe Yusufu, atayiwe nkalaboshu, mahala mwawafungíriwe maperezu wengine wa nfalume. Falakini nkalaboshu nomuremure, Mola wetu aanriware Yusufu, kazidi kumpa rehema na baraka ya kupatana naye nkulungwa wa kalaboshu ire.

Mwinsho ya kukuna piya vire, muka wa mwenye wake kannang'aniza Yusufu, akajibiwa naye, akimwambira javi: “Uwe! Újuzi ulare nomi-pa.” Yusufu akikatala, akimwambira muka wa mwenye wake ire akamba: “Ngawona! Anta mwenye aashugulika na vinu viripo nnyumba-mu. Piya vinu vyaari nawo viwa mmakono mwangu. Aapo munu wa kunizaidi omi nnyumba-mu na hapana caanifísire anta kimoja, ila uwe-po, kamana uwe kuwa nkawake. Nisaka kukidiri mwaja kutenda kitendo kikulu kamba eci? Sipata dambi ka Mwenyezimungu?”

Sambi suku moja, Yusufu kaja nnyumba mure kutenda kazi yake yaátendanga daima, na wákazi wengine piya awáwerepo nnyumba mure. Basi muka wa Potifa ire akikola anzu ya Yusufu, akimwambira: “Uwe újuzi ulare nomi-pa!” Iye akivula anzu ire akimwasira mmakono mwake, akituwa akilawira panja!