Popular Bible Verses from Mwanzo 49

Share

Ngombo ya ufalume, Yuda aapokeriwa tena, wala bakora ya kutawala, aaperederi tena mmakono mwake, mpaka aje mwanyewe, mwenye kuinshimiwa ulumwengu piya.

Yusufu ndi kavalu wa nguvu nyingi, wanawe wa kamba wana wa makavalu nanyenje ya nrimbu! Maaduwi, wakimiyana naye, wasukula masonga wánlumbate wansome, na wamwiníkira nambo wankorese.

Falakini upinde wake ungari sana, mmakono mwake kapewa nguvu, kwa uwezo wa Ilahi Mwenye Nguvu wantúkuza Yankubu, kwa zina ra Nsunga nkulu, Gugu ra Iziraeli! Mwenyezimungu wantúkuza wawayo, ákusaidiya, Ilahi Mwenye Rehema ákupa baraka ya nvula ya kulawa binguni, na baraka ya maji a kulawa pansi, pamoja na baraka ya mawere a rútuba na mimba za kupongolana!

Uwe Yuda, wanduzo piya wákusifu! Maaduwi wako, úwapota pasingo kwa makono ako, wanduzo piya wákusujudira. Yuda, uwe kuwa ncamba wa simba! Epa mwanangu, kuludi kukulumbata. Úritandikira pansi úlala úpumula kamba muka wa simba. Nani asaka kuwaza kumyerera?

Uwe Rubeni, kifundi cangu! Uwe ndi nguvu yangu, mwanzo wa kinakilume cangu! Ukulungwa na nguvu, kuwapunda wanduzo piya. Fala uwe kuwa ncaputu kamba maji a kutimbukira. Auwapunda wanduzo tena, kamana kusezera kinanda ca wawayo, kunsezera nkawangu ntoto, kunjauri wawayo!