Popular Bible Verses from Tigidali Nai Gagalama Nigali Side 17

Share

Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.

Nago nogi megi te Abram ma wagobeo. Megi nago nogi te Abraham waibao. Magi baso meni, eno nage te umabo hauwa we bidi hanigo wąį monu pedalumainogo ilali. Tama tibaso, eno te nogi nagebolo mobao.

Te eno nage dali me, te augwali nosali pedalubo hani dabe dali me, te eno dwagi yai tau sabo bomai po dąų walobao. Ena da, nago God me, te ena nago nosali pedelabo hani wai dabe augwaligo God me dao. Te dąų wali bomai po da, te sesemane bidada pabo sogo elalua piduaibao.

“Te enade da, te eno nage dali te tama tiwai dwagi yai tau sabo bomo yai po dąų waibao, te nage umabo hauwa we bidi hanigo wąį monu pedelaibao.

Tiali goli, Godigo te po wai, “Awe. Tiali goli, nago we Sarago te wai ogwa me deli ame naibao, tama nago aga nogi Aisak poao. Te eno aga dali, me te aga hani wai dabe dali, te dwagi yai tau sabo bomai po dąų waibao. Te dąų wabo bomai po te sesemane sogo bomo elaluaibao.

Te nage megi e bulu wau biliyu, te e bidibo tǫ da, te eno nagebolo, me te nago hani wai dabe nosali pedalabo bage augwalibolo maiabo tǫ dao. Tigidali te Kenan tǫ dabe da, te sesemane sogo dagego tǫ elaluaibao, tama ena da, ena te nago wai puluba hani dabego God bidaibao,” wali.

Te Abrahamgo God genuai nogi mabo eyu, tama Abraham basi giluama, tama aga gesabi te tǫba mu pogulali. Tama aga gisugu weyu, tama homu yali, ‘Te bidigo kibu be te bidi sese a naga, te 100 kibu be yai elalubadi da, te aga wai ame nabo usu dawe? Tama Sarago kibu be bidi sese me si me si olama, nogo si, te 90 kibu be yai madi, te agai wai ame nabo usu egowe?’

Tama Godigo Abrahambolo te po wai, “Nago naga we nogi Sarai nosali me nogigio. Megi agai nogi Sara dao.

Dagego te duga ame nabo ogwa wai dabe tigidali tigiwali togobo sę te a naga olama, me badu sela wabo side silibo si, te tigiwali togwao. Tama dagego te duga sę ebo bidi dabe augwaligo tigiwali me togwao, te tigidali sę ebo bidi, te augwa ida duga bede ame nani sę bidi, me te digibulu bulude abelali sę ebo bidi dabe tigidali, te augwali tigiwali me togwao, te nosali pedalubo ogwa wai dabe augwalide me tama eyu, bidada piduao. Te dąį ebo da, te eno dage dali dąų wabo bomai po te dao. Mu tama dao. Dagego duga bidi dabe tigidali te tigiwali togoiąo. Tama te dąį ilali te duga tigide elalubo, te bidi dabe augwaligo koneama, te eno dwagi yai tau sabo dąų walali po te bomo sesemane sogo elaluaibao.

Tiali goli, e tobage sogo te nosali kibu bede te Sarago nago wai ogwa te Aisak ame naibao, tama eno aga dali naga te dwagi yai tau sabo bomai po dąų walaibao.” Te po wai.

Dagego te duga ame nabo ogwa wai dabe tigidali tigiwali togobo sę te a naga olama, me badu sela wabo side silibo si, te tigiwali togwao. Tama dagego te duga sę ebo bidi dabe augwaligo tigiwali me togwao, te tigidali sę ebo bidi, te augwa ida duga bede ame nani sę bidi, me te digibulu bulude abelali sę ebo bidi dabe tigidali, te augwali tigiwali me togwao, te nosali pedalubo ogwa wai dabe augwalide me tama eyu, bidada piduao. Te dąį ebo da, te eno dage dali dąų wabo bomai po te dao. Mu tama dao. Dagego duga bidi dabe tigidali te tigiwali togoiąo. Tama te dąį ilali te duga tigide elalubo, te bidi dabe augwaligo koneama, te eno dwagi yai tau sabo dąų walali po te bomo sesemane sogo elaluaibao.