Popular Bible Verses from Jon 12

Share

Niwai bidi me deligo eno sę yainogo ebo bidi, te bidi aga ena wali asao. Tama ena bidibo bulu, te bulude naga eno sę ebo bidi ena dali bidaibao. Bidigo eno sę ebo bidi, te eno Ayago te genuai nogi mawaibao,” Jisasgo te po wai.

Tama te tiwai bidi aga tǫde bidibo sogode aga tobade aga digi dąų obaso da, teda nosali te bidi aga mu bidada pabo sogo mu hagawaibao. Me ma, bidigo e tǫde bidibo sogo aga digi tudiba muyu da, te bidi aga bidibo sogo mu elaluaibao, aga bidada peyu, bidada paibao.

Eno mu po dagebolo obao, te nai wit wai tǫba tulaluai, te pedama, kulubi holisiąyu da, te agaduba deli bidaibao, te tǫde daumua paibao. Tialima, aga pedama, kulubi pedaliyu da, te agai nai hauwa walaibao. Te ena me tiwai dao.

Ena e tǫba asali, te ula tiwai dao. Magi basowe? Tigidali bidi enabolo homu muani bidi augwali te hulide bididali weyu, ena te tǫde ula tiwai asai dao.

Bidi me deligo eno po odolama, wali pisąwani bidi, aga eno po tų ela magobeo. Ena tǫba asali, te eno te tǫde we bidi po tų ela momainogo asobeo. Ena asali eno augwali ma sagasainogo asai.

Tilama, te we Maria aga dwagi yai denami ebo wel selasa asai, dwasianu genagide. Te wel abelabo moni te hauwa mu, te dila pai nai mu dao. Agai te wel Jisas sągą sawalide pilai. Tama Jisas sągą Maria aga moni bobobage tobolu nisigo holai. Tama te bede bidali we bidi tigidali augwaligo te wel denami odai.

Tama tibaso, genuai bidi asobo homu eyu, augwaligo te ni sebedi nologo tiwai ni selama, Jisas tųdu tiąba pai. Augwaligo bomo elama, i wai, “Dago Godigo nogi ugwaba sao. Dago te bidi nogi ugwaba sao. Aga Genuai Bidigo nogide asai. Aga da Israel bidi dabego tuni bidi dao,” augwaligo te po wai, Jisasde. Te genuai bidi dabe augwali genuai wiegi yai kibu hos tudide dualasa pabo dao.

Tama Jisasgo augwali dali po wei ponoyu, te po wai, “Te Godigo Bidi Mu aga moni nogi dali, moni bomo dali, te si sabo sogo mu pedalai dao, megi.