Popular Bible Verses from Jon 16

Share

Eno homugo dage ena dali wadoloyu, tama dwagi yai homu nagame elama bidimainogo eyu, eno e po tamadi tama dage dali wai dao. Dage tǫde bidibadi te tǫde we bidi augwaligo dwai sę dage dali yaibao. Tialima, dagego homu bomo elama, bidao. Eno e tǫde kolesaga aiyaba elaluai dao,” Jisasgo te po aga sę bidi dabe dali wai.

Tiali goli, te mu po naga wabo Mobo Bidi aga asobo si, tama agai dagebolo tigidali mu po bugagia ola mawaibao. Agai wabo po aga digi homude sabo po me wagobeo. Agai eno wai po aga odolama tama te po naga te agai dagebolo pusaibao, tama agai dagebolo nosali pedalabo sę te po dage dali waibao.

“Polobadu dagego eno nogide magi nai sainogo hanalu obeo. Tama dagego homu dwagi yai mu emainogo, tama megi hanalu wao, tama te nai God agai dagebolo mawaibao,” Jisas aga sę bage dali te po wai.

Tiali goli, eno mu po dage dali obao. Dage tau somainogo, dage eno taga peyu, ena pobao. Ena pisąyu da, te Tau Mabo Bidi dageba asogobeo. Tialima, ena peyu da, te bidi eno dage bidibo digi tagala palaibao. Tama aga asobo si, tama agai te tǫde we bidi augwaligo te dwai sęde geda muani sę augwalibolo hanilagasaibao. Tama agai augwaligo dwai sę ebo page ola mawaibao. Te doloba pai kolesaga page me, te po tų ebo page me, te Mobo Bidi agai augwalibolo ola mawaibao.

Tama dage dali me te tiwai dao. Tama tiyu, megi dage homu sęgę ebao. Tiali goli, eno dage ma sueibao, tama dage dwagi yai homu ma yaibao. Tama niwai bidi mego dagego te dwagi yai homu ebo me sela sągobeo,” Jisasgo te po aga bidi dabe dali wai. “Te sogo dagego ena dali magi nai me hanalugobeo. Eno dage dali mu po obao, dagego gedu haluasa po weyu, Ayago magi nai me dagebolo mao eno nogide weyu da, teda Aya agai dagebolo mawaibao,” Jisasgo te po wai.

Eno mu po dage dali obao, dage genuai gela weyu, tama homu dene eyu, gela mu waibao. Tiali goli, enade konesiąwai we bidi augwali da dwagi yai homu yaibao. Tama dagego homu sęgę yaibao. Tiali goli dagego homu sęgę yali ma begelama, dwagi yai homu mu yaibao.