Popular Bible Verses from Luk 5

Share

Agai te po pusa silama, Saimonbolo te po wali, “E geba sigi ąį tomoba ugwanu ma nogelama, duga sųgų sainu da, te agane togobo wa umben te ąįba tuliagameo.”

Saimongo wei ponoyu, te po wali, “Genuai Bidi, moni huli sesabi dago yabo sę iduali goli, te sųgų deli munu me sai menio. Tiali goli, nago po obaso da, eno agane wa te ąįba tuluaibao,” wali. Tama augwaligo te agane togobo wa dabe ąįba tulama, sųgų umabo mu tualigo te agane wa pąde togwa pai sę yanio.

Tiali goli, hauwa sogo agai te we bidi dabe bidalubadi pali. Aga te bidi meni yai sesawai digiba pelama, agai Godibolo gedu haluasa po wagi pidu geduai dao.

Ena te homu doloba pai bidibolo ‘Nage homu begalao’ po wagasobeo. Te meni. Ena te dwai sę ebo we bidibolo ‘Duga homu begeleąo’ po wagasali,” te po wali.

Tama Saimon (me sogo Pita wabo bidi) agai te tebo sulama, Jisasgo sągą pagede aga kidu sugunama, Jisasbolo te po wali, “O Genuai Bidi, nago ena taga pao. Ena da, dwai sę ebo bidi dao,” te po wai.

Jisasgo augwalibolo po wei ponai. Dwai dwai sę ebo bidi dabe te gasi bidi dabe ąǫ elalubaso, Jisasgo tama po digi sugunuyu te po wali, “Gasi meni yai bidi te dokta bidi pageba pabo menio. Gasi yai bidi naga te dokta bidi pageba pabo dao.

Tama te geba si ąį saniba ma nogelama, tigidali nai dabe tede tagalama, augwali tigidali Jisas wali pela sialio.

Me sogo Jisas be nani me delide bidibadi yaide, oiyabe gasi sai bidi aga pageba asali. Te oiyabe gasigo aga tigi sibi tigidali mu usu nai bidi da. Te bidigo Jisas sulama, kidu sugunama, agai Jisasgo bomo gonobo po weyu, te po wali, “Genuai Bidi, nago homugo usu dao wida, teda nago ena wiegi yai ma ilama tama ena te meda meni yai tiwai ma bidaibao,” te bidigo te po wai. Tama Jisasgo nogo debelama, te bidi tigiba diąyu, te po wali, “Awe, eno homugo nage gasi usu ilaibao. Tama nage wiegi yai pedalao, te meda meni yai bidi bidao,” Tama te sogo polo tama te bidi dwagi yai ma yali.

Jisasgo agade “Po pusulamuo” po wai goli, agai yali sę po pususu paligo ugwa genia palio. Tama umabo we bidi aselama, agai wabo po odagasali, agai augwaligo gasi dabe sela sąmainu yai.