Popular Bible Verses from EXODO 2

Share

Dinengel toy ngesnges da, ta anunotan toy impisipanan tod kindi Abraham, Isaac, tan Jacob. Say Dios anengneng toy pakakaaripen da ray Israelita tan inabagey to ra.

Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Nen baleg la may ogaw inyakar tod samay prinsisa ya anak na ari. Samay prinsisa inala to may ogaw tan impasen ton anak ton dili. Inkuanto, Diad danum so angaonan ko, kanyan ingaran ko na Moises.

Inkuan na prinsisa ed samay ina, Alam yan ogaw tan ikomisan mo ak; upaan ta ka. Inala to sirin imay ogaw tan kinomponi to.

Et nibana a say prinsisa ya anak na ari et linmasur ed ilog a manames; balet saray mamarikit a katulong to nanakarakar irad gilig na ilog. Kabebekta anengneng to may baskit ed kawalaay atatagey a dika; ingganggan toy sakey a katulong to a mangalad samay baskit.

Nen baleg lay Moises dinalaw to ray agagi ton Hebreo, et naimatunan toy kakairapan da. Anengneng nen Moises so sakey ya Egipsio a mamapatey ed sakey a Hebreo a kadalaan to. Nanlingaw-lingaw si Moises; nen anggapoy toon nanengneng to, pinatey to may Egipsio tan intabun tod kabueran.