Popular Bible Verses from GENESIS 50

Share

Nankokomplutan yo aka nanggawaay maoges, balet say Dios impagmaliw to a pankaabigan iman a kaogsan, pian makapambilay iray amayamay a totoo, saray totoon mabilay natan lapud saman ya agawa.

Balet inkuanen Jose ed sikara, Ag kayo natatakot; ag ko nayarian ya alaey pasen na Dios.

Anggapoy nepeg yon takotan. Asikasoen ta kayo tan saray anak yo. Onya so impamabiskeg toy linawa ra tan impanligliwa tod sikara.

impaikuandad sika, Pirdonam pa la ray agagim a lalaki ed samay kasalanan a ginawa rad sika. Pirdona mo kami pa la sirin natan ed samay kaogsan a ginawa mi, sikamin aripen na Dios nen amam. Inmakis si Jose nen nadngel to yan impaibaga ra.

Inkuantod saray lalakin agagi to, Ngalngali ak la ompatey, balet andi-saew ya asikasoen kayo na Dios, tan ipaway to kayod sayan dalin tan iyakar to kayod dalin a sinambaan ton iter ed kindi Abraham, Isaac, tan Jacob.

Insan kinerew tod saray totoo to a sambaan dan gawaen yan bilin to. Inkuanto, Isipan yod siak a no say Dios et iyakar to kayod saman a dalin, piawit yo ray pokel ko.

Kanyan inatey si Jose nen mantaoy sanlasus tan samplora. Imbalsamo rad Egipto, insan da inkargad longun.