Popular Bible Verses from JUAN 17

Share

Pasantos mo ra komun diad panamegley na katwaan. Katwaan so salitam.

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Aliwan sikara labat so pikakasik no ag pati saray mananisiad siak lapud salita ra, pian magmaliw iran amin a saksakey komun. Ama! Mikasakey ira komud sikata, a singa kiwalam ed siak tan siak ed sika, pian manisiay sankamundoan ya imbaki mo ak.

Ag ko kekerewen ed sika ya ekalen mo rad mundo, no ag ta iyagel mo rad samay Maoges.

Intere kod sikaray kagalangan ya inter mod siak, pian magmaliw iran saksakey a singa sikata. Wala ak ed sikara tan wala kad siak, pian ayadyariy pankakasakey da. Et diad ontan, naamtaay sankamundoan ya imbaki mo ak tan inarom ira a singa panangarom ed siak.