Popular Bible Verses from Yuhana 21

Share

Ma dəba i mənde ɗaf na, Yesu a gwaɗay a Simoŋ Piyer: «Simoŋ wawa i Yuhana, ka wuɗa ga a ze i ndo neheye ɗaw?» Simoŋ Piyer a mbəɗay faya, a gwaɗay: «Ayaw Bəy Maduweŋ! Ka sər ha na wuɗa kar segey.» Yesu a gwaɗay: «Gatay gər a wawa i təɓaŋ ga hay lele.» Yesu a tsətsah faya masulo eye sa, a gwaɗay: «Simoŋ wawa i Yuhana, ka wuɗa ga ɗaw?» Simoŋ Piyer a mbəɗay faya, a gwaɗay: «Ayaw Bəy Maduweŋ, ka sər ha na wuɗa kar segey.» Yesu a gwaɗay: «Gatay gər a təɓaŋ ga hay.» Tsa na, a tsətsah mamahkar eye sa: «Simoŋ wawa i Yuhana ka wuɗa ga ɗaw?» Yesu a masay ha a Piyer mamahkar eye: «Ka wuɗa ga ɗaw?» aye na, a ndalay. A mbəɗay faya, a gwaɗay: «Bəy Maduweŋ, nəkar na, ka sər wu tebiye. Ka sər ha na wuɗa kar!» Yesu a gwaɗay: «Gatay gər a təɓaŋ ga hay.

Neŋ faya na gwaɗakeye: Sər ha na, ahəl niye nəkar gawla eye na, ka ɓarawa bəzihuɗ tə həlay yak eye ada ka yawa na, a təv nakə a saka aye. Ahəl nakə ka ge guram aye na, ka gəsiye na həlay ka mbəlom, ada ndo mekeleŋ eye ma ɓarakeye na bəzihuɗ ada ma diye kar ha a təv nakə a saka bay aye.»

Yesu a gwaɗatay: «Kalum gadaŋ ta diye i həlay i mənday kurom təday, ka gəsumaweye.» Tə kal gadaŋ a yam na, tə gəs kəlef haladzay. Tə mba faya məvahaw gadaŋ abəra ma yam bay.

Simoŋ Piyer a gwaɗatay: «Na diye na ta gəsiye kəlef.» Siye hay tə gwaɗay: «Nəmay dərmak nəmaa diye, takwa dziye.» Tsa na, tə həl bo ti ye, tə tsal a kwalalaŋ i yam. Ta dazlay a məgəse kəlef. Ane tuk na, ta həvaɗ eye niye na, ta gəs kəlef kwa nəte bay tebiye.