Popular Bible Verses from Yohansi 19

Share

Noma Yesus Ndihmia anggur tur milmil die nhor nioma Nhar lirni Niwra: “A tulla-knia'ru ntutu-nte' olek wa.” Dewade Yesus o'tani nariu'u wua ne Nwaran doin aranni.

Yesus Natga de hare honona maka Uplerlawna Nhopna Enhi' de Enhi' pa nhorwua la dodo'ondi wa, ne totpena hya' maka Puka ralamni ha nakot taru re de honona ntutu-nte'ewa, pede Niwra: “Atie'ru kerna.”

La'pa Yesus matni nki'ir nana riy id maklernohor reri E'a maka Ensaynia de nora Yesus inni rtutrier lia' hande noma Yesus Npol lia inni niwra: “Ina, hota a'namu eda di!” Nhor nioma Yesus nakot la riy de niwra: “Hyalia, hota o inmu hade.” La' dodo'on de meman pa riy de na'ala Yesus inni pa nora rhol wiutu.

Mere la'pa rwakriania Yesus, pa riwra rtewar lakni, mere rla' de ramkek de Nmati olekwa, de edonna rtewar Yesus lakni. Mere makodi keki-rautu id de nho'ora welhara la Yesus ruh'anu nayanni pa rara nawniah'a wutu gera nwau gota.

Makodi keki-rautu re edon rtewar wat Yesus lakni totpena hya' maka ha rakota la Puka ralamni de ntutu-nte'ewa. Yoma la' Puka ralamni de niwra: “Hota la'pa rurni-kliakallu id mana edonna rtewar wati.” La Puka ralamni mana rhorat targa de riwra: “Hota riy ramkek nan memn E'a maka ha rkoki-rgaur nana.”

Rla' de Yesus orgahani Nmeh'a Nakwar nana auwlakarni pa Nokria gen miak ha rweta la Riy Ruri-Kliaklu Genni, maka la yawala Ibrani de rweta la Golgota.

Noma makodi keki-rautu re rhi'a wutu-lai ida de rnairi pu'na-kiarit ruri pa rkow nana la Yesus o'tani, nhor nia'nama rohoga emeka ray-ray naniair plalahwani mak ungu pa Nnairia.