Verder sê Hy:
“’n Dag sal kom
wanneer die graan en die druiwe
vinniger sal groei
as wat hulle kan oes.
Die sap sal afdrup
van die wingerde
teen die berghange,
dit sal teen die skuinstes afvloei.
Ek sal my volk Israel
uit ballingskap
laat terugkom.
Hulle sal die verwoeste dorpe
weer opbou en bewoon.
Hulle sal wingerde plant
en die wyn daarvan drink.
Hulle sal boorde aanplant
en die vrugte daarvan eet.”