Popular Bible Verses from PSALMS 34

Share

Wanneer mense roep om hulp, hoor die HERE. Uit al hulle moeilikhede red Hy hulle.

Kom verheerlik die HERE saam met my; laat ons saam sy Naam prys.

Die HERE is naby dié wat hartseer is. Hy help hulle wat geestelik stukkend is.

Want die Engel van die HERE hou wag oor almal wat Hom dien, en Hy red hulle.

Ek het tot die HERE gebid en Hy het my geantwoord, Hy het my bevry van alles waarvoor ek bang is.

Maar die HERE tree op teen hulle wat kwaad doen en verwyder die herinnering aan hulle op die aarde.

Hierdie ellendige mens het geroep, en die HERE het gehoor. Hy het hom uit al sy benoudheid gered.

Hy moet sy tong weerhou van kwaad en sy lippe om leuens te vertel.

Wie is die mens wat ’n lang lewe begeer, wat baie goeie dae begeer?

Vermy die kwaad en doen wat goed is. Soek vrede en streef dit na.

Ek sal net in die HERE roem. Die nederiges sal dit hoor en bly wees.