Popular Bible Verses from Lukashi 12

Share

Nadoni ikalanga mevo mwaa Mwana Wamunu andaida shingangala.”

Shitandi kanji angaikangila utawala wa Nnungu; vinu avyo uti momo Nnungu andamupa.

Kutwala kwaulila imbumba yavanu kushidoni, “Lilaledye! Lishunge kwaing'ano yaliu mwaa shingumi shamunu hashivele muumbala wavinu.”

Po panapagwa mali enu, ntima wenu upagwa popo.

Apali munu pakati penu ánaulula kwangangola kula shinu, ávele tayali kwanjadyedya padyoko vela shingumi shake?

Yesu kutwala kuvaulila vakwoda vake kushidoni, “Hamunaangaikangile shingumi shenu kwa ashilá shamulota kulya na ata mili vyenu kwa ashilá shakulota kugwadya.

Ata wo ugwimbu wammyuti vyenu wo, Nnungu andimanya ishabu yake. Mwenu hamunajope mwaa munkuvanavo mana makumene kupunda vyuni vyoe!

“Hamunajope mwenu mmakwoda vangu mwaa Tatagwetu ininnagwela kumupa utawala wake.

Valole shana vanashove vo; vanavo havanapanda ata havananang'ena, havavenavo makuta ata vidimbi kanji Nnungu ankuvalisha. Kushi mwenu, hamuvenavo mana makumene kupunda vyuni?

Mwenu hamunalambele shakulya na ata shakukumbila. Hamunajugulange.

Kanji ikava kenga Nnungu ankunemya maukutu amadíle mumwitu alindíla muliduva lyake kujalegwa pamoto; kushi mwenu, mmanu mmalikulupililo lidikidiki, Nnungu annemya kupunda apo?

Hashipali shinu shavapiidye shilóta hashinaumilile kulangele na hashipali shinu shavagwadyagwadyenge shilóta hashinamanyike.