Popular Bible Verses from Lukashi 14

Share

“Munu akaida kwangu alota kungwoda nangu kanji akanamwiludyanga tatake, anyoke, ndyagwe, vanavake, vakuluvake kwali vanung'unuvake, valumbuvake na ata kwiludyanga shingumi shake, hava shinu nkwóda wangu.

Namomo munu ákanyukata nshalaba wake kutwala kungwoda, hava shinu nkwóda wangu.

Mwaa, munu woewoe álitumbudya vanantaa dyoni na aijá álijandya vanantumbudya.”

Napavedoni munu woewoe pakati penu ákalota kuleka vinu vyavenavo uti, hava shinu nkwóda wangu.

Da nyani pakati penu akalota kudenga, ákanaikala shitandi kukumbukila vyalota kutumila pakulota amanye kenga vindatosha kwali mene? Akanatenda davo, po palota kutunduvanga kudenga, akanamalila vanu uti pavamwona vandamweka vaashidoni, ‘Munu aju andítunduvanga shana kudenga kanji gwo, mwenu, atatakadile.’

Kanji ukapanganianga shikukulu, valalike vamashikini, vakulamala, vákalola, undona undajaligwa mwaa vanavo havavenavo shakukuujidya vilava. Wako vandakulipa muliduva lyakudyuka vaishaliya.”

Munyu wo, wambone. Kanji wo munyu ukadalala ulota kutakila nyamani? Wanavo haunamanyikanga muulongo na ata kwakutenda mboleya, vatwala vila kujaa bai. Aijá ávenavo matu, aigwe.”