Popular Bible Verses from Lukasi 11

Share

Ampafe mea mewarami aipaya tonanai ki, wape mewaitawang metohong ne bengfo we mene arikangfosa. Nana mani Dai na Waidani ne dohonafo sewa weru mea aha. Ambori dohongno Nuaninu Mirarebana foi weo mano etutani fosa ki.”

Ampafe yei mau yeyo; Metutang weai ambori ohonai ki, mesera weai ambori mesobuai ki; meboi rahutufo ambori fai we mea ki.

Weo mano etutana fosa ambori ohonai wesa ki; mano esera wea fosa ambori esobuai ki; tuti mano eboi rahutu fosa ambori fai wesa ki.

Ainanaya Yesusi dei wesa deyo, “Awao metutangna mani, metutang tonina: ‘Daie, Kadono wonomuwai atori we mirarebanai, Kadono nemu weMananuwa da ma.

tuti boiai amene sasari ametohoni nei, kariri amea kontaio ameteiai mandoni kontai ene sarawaio etohonai we amea fo, tuti dohona tua amea ametohong kariri fi sofao weanggari amea amenari sasarifo fanai.’ ”

Bohong fiang demoyarai we amea na rahida neungne

Meuremiwa mani wepadamarang we mene taraiwai. Ampafe masino meuremiwa mamarampoti mani, mene taraiwai sentenang dansairai. Mae meuremiwa fayou mani, mene taraiwai memantiti kontai.

“Wiro inontarai manei kiai padamarang bei, ainanaya tebuni na babeu, ete dohoni wiatai na fata arowawahi fo kaha. Mae yuai padamarangfoi ayai sawai parai, ambori inontaraio era to munu rorongfo afui mani ewati sambewarafoi.