Popular Bible Verses from Markus 13

Share

Og alle skal hata dykk for mitt namn skuld. Men den som held ut til enden, han skal verta frelst.

Ver på vakt og vak! For de veit ikkje når tida kjem.

Men når dei fører dykk bort og gjev dykk over til styremaktene, så syt ikkje for kva de skal seia, men sei det som vert gjeve dykk i same stund! For det er ikkje de som talar, men Den Heilage Ande.

Himmel og jord skal forgå, men mine ord skal aldri forgå.

Men den dagen eller timen kjenner ingen, ikkje englane i himmelen og heller ikkje Sonen, berre Faderen.

Når de høyrer om krig, og det går rykte om krig, så lat dykk ikkje skræma! Dette lyt henda, men enno er ikkje enden komen.

Så vak då! For de veit ikkje kva tid husbonden kjem, anten det er om kvelden, midt på natta, når hanen gjel eller når dagen renn. Lat han ikkje finna dykk sovande når han brått kjem. Det eg seier til dykk, det seier eg til alle: Ver vakne!

Folk skal reisa seg mot folk, og rike mot rike, og det skal vera jordskjelv mange stader, og hungersnaud. Dette er dei fyrste føderiene.

Og fyrst må evangeliet forkynnast for alle folkeslag.

For mange skal koma i mitt namn og seia: «Det er eg.» Og dei skal føra mange på villspor.

Men sjå dykk føre! Dei skal gje dykk over til domstolane og piska dykk i synagogene, og for landshovdingar og kongar skal de førast fram for mi skuld, så de kan vitna for dei.

For falske messiasar og falske profetar skal stå fram. Dei skal gjera teikn og under for å føra dei utvalde vilt, om det er råd.

Men i dei dagane, etter denne trengselstida, skal sola mørkjast og månen missa sitt ljos. Stjernene skal falla ned frå himmelen, og kreftene i himmelrømda skal skakast.