Popular Bible Verses from Luka 6

Share

Heanagaai, na inyuĩ Ngai nĩarĩmũheaga. Iheeo iria mũrĩheagwo irĩkoragwo irĩ nyingĩ; irĩũmbagĩrĩrwo mookoinĩ maanyu o nginya imwe igaĩtĩka thĩ. Gĩthimi kĩrĩa mũrĩthimanagĩra nakĩo nokĩo o na inyuĩ mũrĩthimagĩrwo nakĩo.”

Mũndũ mwega aaragia maũndũ meega moimĩĩte mũthiithũinĩ wa maũndũ meega marĩa me ngoroinĩ yake, naake mũndũ mũũru aaragia maũndũ mooru moimĩĩte mũthiithũinĩ wake wa maũndũ mooru. Nĩ ũndũ-rĩ, kanua kaaragia maũndũ marĩa maiyũrĩĩte ngoro.

Atĩrĩĩrĩ, endagaai thũ cianyu na mũciĩkage wega; kombanagĩraai mũtegwĩciiria atĩ nĩmũkaarĩhwo, narĩo igai rĩanyu nĩrĩgaakorwo rĩrĩ inene, na nĩmũgaatuĩka ciana cia Ngai ũrĩa wĩ igũrũ. Nĩ ũndũ-rĩ, Ngai nĩ mwega o na harĩ andũ arĩa matarĩ ngaatho na arĩa aaganu.

Kwoguo, iguanagĩrai tha o ta ũrĩa ithe wanyu aiguanagĩra tha.

“Atĩrĩĩrĩ, mũtigaatuanagĩre, na inyuĩ mũtirĩtuagĩrwo nĩ Ngai:: mũtigekũũanagĩre, na inyuĩ Ngai ndarĩmwĩkũũagĩra; ohanagĩraai, na inyuĩ Ngai nĩarĩmuohagĩra.

“Ngũmwĩra atĩrĩĩrĩ inyuĩ arĩa mũranjigua, endagaai thũ cianyu, na mwĩkage wega arĩa mamũthũire. Raathimagaai arĩa maramũruma, na mũhooyagĩre arĩa maramwĩka ũũru.

Ĩkaga andũ arĩa angĩ ũrĩa ũngĩenda magwĩkage.

Mũndũ akũgũtha rũhĩ rũthĩa rũmwe, reke akũgũthe rũthĩa rũu rũngĩ o naruo, na mũndũ ooya igooti rĩaku, reke akuue o na caati yaku. Mũndũ o wothe akũhooya kĩndũ mũhe, na mũndũ ooya kĩndũ gĩaku, ndũkaae kũmwĩtia.

“Gũtirĩ mũtĩ mwega ũciaraga matunda mooru, o na gũtirĩ mũtĩ mũũru ũciaraga matunda meega.

Mũtĩ o wothe ũmenyekaga na ũndũ wa matunda maaguo; andũ matituaga ngũyũ kuuma mĩtĩinĩ ya mĩigua kana magatua thabibũ mĩtareinĩ.