Popular Bible Verses from Chiv Keeb 32

Share

Tug yawm ntawd txhad has tas, “Yuav tsw hu koj ua Yakhauj lawm, yuav hu ua Yixayee tsua qhov koj tau nrug Vaajtswv hab tuabneeg sws ntsuag zug hab kov yeej.”

Tug yawm ntawd has tas, “Ca le tso kuv moog tsua qhov tub yuav kaaj ntug.” Tassws Yakhauj has tas, “Kuv yuav tsw tso koj moog txug thaus koj foom koob moov rua kuv tsaiv.”

Yakhauj tuab leeg tseed nyob hov ntawd. Muaj ib tug txwvneej nrug nwg sws qhau ib mos kaaj ntug.

Yakhauj txhad hu lub chaw hov ua Peni‑ee hab has tas “Tsua qhov kuv tub pum Vaajtswv tim ntsej tim muag los nwg tseed tseg kuv txujsa nyob.”

Thaus tug yawm hov pum tas kov tsw yeej Yakhauj, nwg txawm nas Yakhauj lub cos qej txhaa ceg txws. Thaus Yakhauj nrug nwg sws qhau Yakhauj lub cos qej txhaa txhad txawv plhawv.

Tug yawm ntawd has rua nwg tas, “Koj npe hu le caag?” Nwg teb tas, “Kuv npe hu ua Yakhauj.”

Yakhauj txhad nug nwg tas, “Thov koj qha koj lub npe rua kuv.” Tug txwvneej hov has tas, “Ua caag koj nug kuv lub npe?” Tes nwg txawm foom koob moov rua Yakhauj hov ntawd.

Kuv tsw tswm nyog tau txujkev hlub kws ruaj khov hab txujkev ncaaj nceeg kws koj tau ua tshwm rua koj tug qhev lawm ib nyuag qhov hlo le. Tsua qhov tas kuv muaj tuab tug paas nreg hlaa tug dej Yalatee moog xwb, mas nwgnuav kuv muaj ob paab tuabneeg.

Vem le nuav cov Yixayee txhad tsw noj txuj leeg ntawm ceg txws kws nyob ntawm cos qej txhaa txug naj nub nwgnuav, vem yog Vaajtswv nas ncaaj txuj leeg ntawm Yakhauj lub cos qej txhaa ceg txws.

Yakhauj thov Vaajtswv has tas, “Au kuv yawm Aplahaa tug Vaajtswv hab kuv txwv Yiha tug Vaajtswv, au Yawmsaub koj has rua kuv tas, ‘Ca le rov qaab moog rua koj teb koj chaw koj kw koj tig es kuv yuav ua zoo rua koj.’

Thov koj cawm kuv dim huv kuv tug tijlaug Exau txhais teg, vem kuv ntshai nwg, tsaam tes nwg yuav muab kuv hab quaspuj mivnyuas tua pov tseg huvsw.