Popular Bible Verses from Matiu 5

Share

A napan to hikta antoen ne a vëkrea o ram pare kupkup po kove. Ahik! A napan to vëvëkrea ne sih o ram pare vahan manih pa ö hanhan peꞌ, suk a ö neꞌ se heꞌ non o maaka manih pa napan kurus varih koman iuun. Eꞌ to teꞌ akuk va kov e non manih pa taateꞌ vih peöm, nöm se vataare a napan. Kee sih inan a ma taateꞌ vih nöm to nonok nem pare kë a ëhnan e Tamëneöm vöh pa vöön va kin.”

Eöm to teꞌ va nem manih po maaka va po oeh. A pah vöön apuh to teꞌ non maꞌ pa tope pareꞌ hikta antoen non a vakoaan.

“Vaeö rakah pa napan varih no a ma kokoman pee to vivihan, ee se ep ee pe Sosoenën.”

“A napan varih to mamaë ne a vatet a taateꞌ totoopin, ee se vaeö rakah. Suk ataeah, e Sosoenën se makën vamhun en pee pataeah nee to iu ne.”

Ivëhkëk, kuru nöꞌ to soe keoꞌ peöm pan, ‘Eöm se iu o teꞌ varih to vakihat me a no neöm, paröm hin na o vaꞌaus manuh pe Sosoenën, keꞌ ururuan o teꞌ varih to hihinën a no neöm.

“A napan varih to koman ne pan, ee to kökööt ne pa ma taateꞌ pe Sosoenën. Ee se vaeö, suk ee a pap teꞌ poë varih se hop manih pa Matop Vih va pa Vöön va Kin.”

“Vaeö rakah pa napan varih to vavahik hah nö ne a ma vapus, me a ma vaheheve. Amot nee se tavus ee o pus koaꞌ pe Sosoenën.”

“Ka napan varih to okook vatamak ne sih, ee se vaeö. Suk ataeah, e Sosoenën se vamö en pee.”

“Vaeö rakah pa napan varih to tahinën suk a ma taateꞌ totoopin pe Sosoenën nee to vavatet ne. Varuꞌ vamanih, nee se vaneah avoes e ne pa Matop Vih va pa Vöön va Kin.”

“Ka napan varih to ururuan ne sih o upöm teꞌ, ee se vaeö. Suk ataeah, e Sosoenën se ururuan me en pee.”

“Vaeö rakah peöm varih, no a napan to vateen a neöm pa ma soe hat, pare hinën ka neöm ko vakmis a neöm, ko ruk a neöm pa ma soe piuk, suk eöm to teꞌ nem a napan peöꞌ. Eꞌ a pah taateꞌ hat ko pamëh to tanok moaan voh manih po teꞌ vanënën soe varih to teꞌ vovoh voh ka no neöm. Ivëh, köm se vaeö rakah, peꞌ o voen vih peöm to anoeh e non maꞌ peöm manuh pa vöön va kin.”

“Ka napan varih to vöknah ne a ma taateꞌ pee, ee se vaeö. Suk ataeah, e Sosoenën se heꞌ en pee po oeh.”

E Ieesuꞌ to toto avoeꞌ e non pareꞌ soe pan, “Eöm to teꞌ va nem manih pa sö va po oeh. O tetehean pa sö se keh hik këh en peꞌ, a hikta ö nöm se nok vah va in eah, keꞌ tetehean hah. Keꞌ vih non peöm se ru in na eah po oeh, paröm kom tötöön eah pa ma moeeneöm.

Ka ma taateꞌ peöm sih teꞌ totoopin va ne manih pa ö no a taateꞌ pe Tamëneöm vöh pa vöön va kin to teꞌ totoopin va non.’”

Eöm se soe varoe kuru, oman, pa ö neꞌ se teꞌ non o man. Ka hik, pa ö neꞌ se teꞌ non a hik. Eën se keh kon pet a soe, eꞌ a soe ko pe susun po oraꞌ hat ipamëh.”

E Ieesuꞌ to toto avoeꞌ e non pareꞌ soe pan, “Eöm to pënton voh em pa soe nee to soe voh ka neöm pan, ‘Ta pah teꞌ se keh miröꞌ a matan a meh teꞌ, a, eꞌ to vih non peöm se miröꞌ varuꞌ em pa teꞌ mataneah. Ka ta pah teꞌ se keh tös kök a riu rivon a meh teꞌ, a, eöm se tös kök varuꞌ em pa teꞌ riurivoneah.’ Eöꞌ to soe vaman rakah keoꞌ peöm. Koe a piun a hat no a meh teꞌ to nok manih peöm. Ta pah teꞌ se keh tapan a panömah, a, tarih, parën heꞌ na a meh papan, keꞌ tapan.

“A papmatö vëh pa matömah se keh rëh a oah pa nok a taateꞌ hat, të kon eah ko vi na. Eꞌ to vih non pa ta pah ö va pa sioniumah se hikta teꞌ non, peꞌ to rëh e non pën pa nok a taateꞌ hat. Eꞌ to hat non pa ö no sioniumah se kamis manih po suraꞌ ësëës tamoaan. Ka papmatö pa koreomah se keh rëh a oah pa nok a taateꞌ hat. Moes kurus eah ko vi na. Eꞌ to vih non pa ta pah ö va pa sioniumah se hikta teꞌ non, peꞌ to rëh en pën pa nok a taateꞌ hat. Eꞌ to hat non pa ö no sioniumah se kamis manih po suraꞌ ësëës tamoaan.”