Popular Bible Verses from Miamun 21

Share

Da Yawe inaŋ nam ŋarubini iwaʼ da Sara ibi araŋan nidan da ragadan ugu.

Anutu iriŋantin i mamaʼ raŋan da Anutu aŋira gan inuʼ Hagar imiŋʼ gunuŋun ini binaʼ, “Hagar! Ibianuŋʼ? Agu anuŋʼ ratan u. Anutu iriŋant i mamaʼ raŋan aga sib. Wauriʼ wafan da wagif mamaʼ aga baŋin da waraʼ gin wayab, i dzi buŋʼ anaŋ i gan yaŋiŋgan nawaʼ nasu garam utup tsiraʼ maŋan.”

Ibinigi da Sara iwaŋun da irim Abraham naruŋgan marub da gubuʼ Anutu ragadan ugu. Da gubuʼ arigi da Abraham ifufi sib.

Da Sara ini, “Anutu irim nam rubuŋʼan da nugun tsiaʼan tsiraʼ da dzi, da rib santan riŋantagin da nugun buŋʼ atsiaʼ da narubuŋʼ nampruʼ da dzi.”

Da bitsintaʼ Anutu ini da Abraham ini binaʼ, “Waŋum anuŋʼ barabinda yusan i naruŋgam Ismail da rinaŋgan Hagar, u sagat gumam, u. Watsuŋʼ Sara nangan da wanaŋ nabinigi, i miŋʼa Isak da u tafam rusam yaŋiŋgan taptap buŋʼ awaʼ nautus i ruan nabi dzi nidan.

Da dzi buŋʼ autus i sagat gum naruŋgan tafan rusan nasu garam utup tsiraʼ biŋan nabinigi, i araŋan u naruŋgam.”