Popular Bible Verses from Miamun 3

Share

Sagat itsaŋan gai nidzun igi iwaʼ ŋarubini biŋan i maraŋgan da idaum aŋu i gadan da uda mararuru. Ibinigi da araŋan ipis fain da igan, ida imus rima fain da gabuŋgan igan impruʼ ibinigi.

Apu buman santan Anutu Yawe taŋindan ugu da mur isu apu mararuru tsiraʼ i nan umpur iyuʼan. Gubuʼ maŋan da mur iwaʼ da sagat da igutin, “Amaʼ! Nan nidzun i Anutu nidan da agam i anuŋʼ gada gai nidzun santan miŋʼa gum ani?”

Dzi buŋʼ ataŋin agu da sagat narim ipiap i ruam da namiŋʼ wasaʼ i agu yaŋiŋgam da sagat yaŋiŋgan. Da araŋan yaŋiŋgan buŋʼ ayab i u gudzum, da u buŋʼ agara araŋan yaŋiŋgan faga mutun.”

Da ini da sagat ini binaʼ, “Dzi buŋʼ autus u barabin gam da agu nabiani: u buŋʼ awaʼ da nam tsakiadan tsiraʼ biŋan da gubuʼ u rima narum. U maram buŋʼ ari i suda wain i gabuŋgam da bitsintaʼ u gabuŋgam buŋʼ asu gudzun i agu.”

Sai titipu da gantsuats maradantaŋ buŋʼ antap da nari u gumam sib da u buŋʼ aga nam ntapa puatsi. Da u buŋʼ anaŋ gum uwats uwats tsiraʼ i waʼa da nam gadan gam, nasaŋʼ u tipa fadan da intap aru dzi tipa agu gin ugu. I dzi tip agu i intap da gubuʼ u mampan da u buŋʼ atip nafan da intap.”

Da itip ini da garam ini binaʼ, “U riŋant i finiŋgam naŋgan da u ga gai nidzun dzi paʼa agu gin ugu, da intap buŋʼ asu mais da agu. U buŋʼ anaŋ gum tsiraʼ biŋan i waʼa da naŋgam gadan da gubuʼ santan nasaŋʼ u naŋgam mampan.

Da Anutu igutin, “Maŋa ni da agu i u daŋuntan? U maga gai nidzun dzi paʼa agu gin ugu, ma?”

Iwat garam rai iwaʼ sinuŋʼ gum igi sib da Araŋan itaŋin nam marantaʼan gunuŋun fain nida tserubim da bainat bururuŋan marisa i ruan imiŋʼ gubuʼ yaban i gum Iden da imunti sib i gai rima marantaʼan.

Da Adam ifariŋʼ finiŋgan biŋaŋgan Ifa (waiŋgan ibi ‘marantaʼan’). I araŋan isu garam gar marantaʼan sib aŋu rinaŋgan.