Popular Bible Verses from Lukaz 14

Share

Mar deu unan bennak da’m c’havout ha ne gasa ket e dad, e vamm, e wreg, e vugale, e vreudeur, e c’hoarezed, ha muioc’h c’hoazh e vuhez hec’h-unan, ne c’hell ket bezañ va diskibl.

Piv bennak ne zoug ket e groaz ha ne heuilh ket ac’hanon, ne c’hell ket bezañ va diskibl.

Rak piv bennak en em uhela a vo izelaet, ha piv bennak en em izela a vo uhelaet.

Evel-se, piv bennak ac’hanoc’h na zilez ket kement en deus, ne c’hell ket bezañ va diskibl.

Rak piv ac’hanoc’h, mar en deus c’hoant da sevel un tour, ne azez ket da gentañ d’ober ar gont eus an dispign evit gwelout hag eñ en deus peadra d’e echuiñ, gant aon, mar laka an diazez ha na c’hell ket e echuiñ, na zeufe ar re holl en gwelo d’ober goap anezhañ, o lavarout: An den-se a zo en em lakaet da sevel ha n’en deus ket gallet echuiñ?

Met pa ri ur fest, ped ar beorien, ar re vac’hagnet, ar re gamm, ar re dall, hag e vi eürus dre ma ne c’hellont ket e rentañ dit. Rak rentet e vo dit en adsavidigezh ar re reizh.

Un dra vat eo an holen, met mar koll an holen e vlaz, gant petra e vo temzet? N’eo mat nag evit an douar nag evit an teil. E deurel a reer er-maez. Ra selaouo, an neb en deus divskouarn da glevout.