Popular Bible Verses from Yoni 11

Share

Bana Yesu gigayo, “Iya'eku mididi-havagi inubana, kadu Iya'eku kaliva yawaimi ivaguna inubana. Gava kaliva ginavetuvetumaganeku, medema keke gina'alika au wayawaina ivaguna ginamiyamiya-vagata. Ka'i bana kalivai-nadi wowona gina'alika, tu tauna ginamiyamiya-vagata. Ada gaveyao wayawaidi himimiyami kadu Iya hivetuvetumaganeku, medema keke-mo'a hina'alika-vagata. Ka'i hida yaku gahe uvetumaganena?”

Bana Yesu gigahena gigayo, “Au yaku gahe udanuwa-nunauyena ahe gagahe gagayo, Ka'i unavetumaganeku o, Yaubada yana kikaiwabu una'itana.”

Ada au Yesu gitagitagi.

Tu Yesu ginogalini-yo au gigayo, “Yana aulolo lakahina tu keke vaita gina'alika amine, au yana aulolo againe Yaubada yana kikaiwabu gina'iveyemaunina be Iya Bana Natuna kaliva hinakilakahiku.”

Ada au give'o'ola gihavaina, gikova'awafatafata gigayo, “Lasalo-yo, uyemu.” Yesu gigahe-yo bana to'alika giyemu, nimana agena kaleko againe boi miYuda yama dewa amine hifafana-ma aimo gidauda. Kadu'e kaleko u'une hifafana-ma aimo gidauda. Au Yesu kaliva gigahedi gigayo, “Wanayauna be ginana.”

Tu Yesu alika fa'ina kadu gi'ila'a, au gilowoga aba'aitauna againe gina. Aba'aitauna higa tomohuyahuya, ada kabala lakahina abaluku gisebodana.

Au hidede amine Yesu gigahe (higa vaita mena tovai-nadi aimo uyadayada fa'ina keke vita ginanuhagani tu uyuyu ginayemu-yo kaliva hinaluve'alikana.) Au kadu gigahema gigayo, “Tobohiyada Lasalo gi'enonuwaulu tu Iya ganana be ganaluvaguna fa'ina.”