Popular Bible Verses from Luke 5

Share

Givehawaledi gihavaina Saimoni againe gigahe gigayo, “Ni'uya wanatalalaka be yami alevatu wanasehobuyena igana wanave'onadi.”

Tu Saimoni gigayo, “Kauveya, bogi againe anaudadana-wayoga mala gilauna keke tamo igana adave'onadi. Tu O ya vehimeya againe kadu alevatu ganasehobuyena.” Saimoni tobohiyana buye alevatu hidasehobuyena ma igana keke sa'eyadi hiyo'oyo'o ada moya'ai-mo'edi hive'onadi, iganeya yadi alevatu hivekaninina.

Atu Yesu yo'o ginunuyabuyabudi be ginauna melalagaga agaidiya give'ove'o'ola.

Ada toyamumu keke doketa yana leme hinaleleni amine, meda anafaiweya Iya gahobu'ela be keke toyamumu vehimeya hi'ita'itave'avina-ma ganakovadi. Au gahobu'ela tokoyona ganakovadi be yaku leme againe hinahagaviladi fa'ina.”

Tu Saimoni-Fita gi'itana againe tugana give'etodonena Yesu againe gi'ibo'ula gigayo, “Ho Kaiwabu, yaku dewa koyona fa'ina unanuyabuyabuku.”

Ada Yesu yadi gahe ginogalini-yo gigahedi gigayo, “Badi yadi aulolo keke ma keke doketa againe hinana, tu to'aulolo ma nuwanuwadi doketa yana leme.

Ada yadi waka avaleya hibilakahidi au gaitoma moya'aidi hidibutoyogedi be Yesu againe hivetomuliya.

Tova sa'eyana Yesu melala sa'eyana againe gimiyami tu tovedawodawowo-mo'a Bana againe gi'ela. Kaliva Yesu gi'ita-yo gi'ibo'ula-mo'a be gihawayafeyafena gigayo, “Kauveya, ka'i O nuwanuwa amine o afaiweya yaku aulolo unakolana.” Gigahe-yo Yesu nimana gitunena be gikibwa'ena ada gigahena gigayo, “Ika, Iya nuwanuwaku. Unayamumu.” Ada auhe'ama ana dawodawowo gihavaina.

Tu Yesu valeyana give'aliyahega-mo'a ada yo'oyo'o hivagavaga'auta be bonana hinanogalina kadu yadi aulolo againe hinabwaina.