Popular Bible Verses from Madiu 18

Share

Fa'ina ka'i ami'iselu o ami'itoto aku eganeya wanavaga'auta, au Iya omi buye kanamiyami.” Au hidedemi Yesu givehawala.

Kadu wanogali! Ka'i ami'iselu omi tovetumagana agaimiya tamo gavadi fa'ina yami nuwanuwa sa'eyana wanave'atutamo'aina be hidei babiya Yaubada againe wanave'o'ola, au Kamaku lobameya gimimiyami-ma yami nuwanuwa amine ginavelemi.

Yesu kwamana kabi'ona giyowanina be gi'ela ada ana tomuliya hinafadiya gisena. Kwamana gimidi tu Yesu gigayo, “Gagahe velemo'ena ka'i keke wananuwavilami be kwamana keke yana wakikaiwabu amine wananuwanuwa, kadu keke Yaubada yana yo'ogaga agaidiya wanaluku, keke-mo'a.

Fa'ina hai kaliva ginanuwahobu be hida kwamana keke yana wakikaiwabu amine ginanuwanuwa, medema Yaubada yana yo'ogaga agaidiya gikaiwabu-mo'a.

Kadu hai kaliva kwamana kabi'ona bana meneva'ama amine aku eganeya ginasive'auyena, medema vaita Iya ginasive'auyeku.

Yaubada gihalamaneku tu gagahegahe. Gava dewa babiya wanahawatana, medema kadu lobameya hinahawatana. Ada gava dewa babiya wanahawahegena, medema kadu lobameya hinahawahegena.

Au hidedemi Yesu gigahetalahobuhobu. Kadu gigayo, “Ka'i omi'iyao mena tofaisewai-nadi amine keke tobohiyami wanahinekalikaliyeni-yo yana koyona wanayawelini, au Kamaku lobameya gimimiyami-ma meda anafaiweya vita lakahina ginavelemi.”

Atu ka'i kaliva sa'eyana vaita kwamana amine givetumaganeku-ma dewa koyona againe wanavebe'una, au vita lakahina wananuhagana. Ka'i kuga vita-mo'ena odomiya hinaluhifona be lehageya hinahegehobuyemi-yo wana'alika, medema vitana. Atu ka'i matahiwadi Yaubada againe wananuhagana, au medema vita-mo'ena.

Gavaimi wanuwanuwa? Kaliva sa'eyana yana sifi wani hanaledi (100) hinamiyami tu sifi sa'eyana ginu-kawokawowo. Ka'i yana sifi naeniti-naeni (99) oyalulaube'una againe adiga hilelele-ma ginanuyabuyabudi tu sifi ginu-kawokawowo ma ginalelena o ka'i keke? Au ginalelena.