Popular Bible Verses from Madiu 6

Share

Yaubada yana abavehimeya ana gaitoma againe wanamidihawahegemi kadu yana nuwanuwa tunutunugina wanamidilelena, ada au Bana'e gina'ita'itave'avimi be amiga ami bwai ami vaigau ginavelevelemi, au wanamiyami hagihagina.

Ada au keke bogiyadi fa'ina wanavenuwanauna vaita gava vita ginalakayemu. Tova adamoya ana vita au amifata. Keke tova adamoya ana vita bogiyadi ana vita wanave'atutamo'aini.

Hidema fa'ina gagahemi, yami miyami fa'ina keke wanavenuwanauna vaita gavadi wana'u'ani, o ka'i gava bwai wanayuyuni. Kadu kaleko fa'ina keke wanavenuwanauna vaita gavadi againe wanavelifi. Gavadi wai ginagona-ma wananuwenuweni. Ka'i yawaimi o ka'i a'a? Kadu ka'i wowomi o ka'i kaleko? Au yawaimi wai ginagona tu a'a wai gimulina, kadu wowomi wai ginagona tu kaleko wai gimulina.

Tu omi'iyao ma Yaubada againe wanave'o'ola amine, yami manuwa vetawana againe amikaibe wanaluku, wana wanafalina be Tamami veuveuna againe wanave'o'ola, ada Tamami ase'asemi gi'ita'itana-ma ami laufata aimo ginavelemi.

Auwe wanave'o'ola againe, hidede amine wanagahe wanagayo, Tamama lobameya umimiyami, a egana mahamahalina anave'amohimohinena. Ya abavehimeya ana tova gidalakayemu ase'asemeya. Ya vehimeya lobameya hi'ita'itave'avina amine, meda ime babiya ada'ita'itave'avina.

Aiyeta sa'eyana sa'eyana amaga udavelevelema.

Ime nagona tobohiyameyao yadi koyona avenuwauluyena amine, meda yama koyona kadu O udavenuwauluyena.

Keke aba'aladibidibi againe unahawahegema tu kaliva koyona Setani againe unalugolegolema. Au hidede amine wanave'o'ola.

Ka'i omi tobohiyamiyao yadi koyona omi agaimiya hifaisewana-ma wanavenuwauluyena, au kadu Tamami lobameya yami koyona ginavenuwauluyena.

Manuga hiyaveyavega-ma wana'itadi. Keke hidafahafaha, keke hidayauyaudi kadu keke kweda hidayogoyogoni-yo a'a hidasewasewadi, tu au ai'adi Tamami lobameya adiga giveleveledi. Ada Tamami yana itave'avina omi agaimiya yana itave'avina manuga agaidiya gitubuhegena.

Kadu'e, keke lokoloko moya'aina hide'i babiya wanavagakokoni, fa'ina tumotumo hinakivekoyona o ka'i lokoloko ginabugaga o ka'i tokai'afu adifaiweya hinaluku hinaki'afuna. Au lokoloko hagihagina lobameya wanavagakokona, fa'ina wesede againe tumotumo o ka'i bugaga keke ginakivekoyoni, kadu tokai'afu keke adifaiweya hinaluku hinavai-kawowowoni. Ada au ha'againe yami lokolokofou ginadauda, au medede againe nuwami ginanunauyena tova moya'aina.

Keke tamo hakwadi anafaiweya taubada luhei fa'idiya ginafaisewa. Ka'i adi'iselu fa'idiya ginafaisewa digo, sa'eyana againe ginanuwanuwakoyo tu sa'eyana againe ginanuwanuwa hagihagina. Kadu sa'eyana againe ginamiyave'avina, tu sa'eyana gina'itatagona. Au keke amifaiweya wananuwanuwaluga. Ka'i nuwanuwami Yaubada digo, Yaubada ana nuwanuwa'eya. Ka'i mani digo, mani ana nuwanuwa'eya.

E, Yaubada isisi'u givevigauna, medema tova adamoya wala'aiya gikabu tu bogiyadi hinatuna be gina'alahina. Yaubada isisi'u givevigauna tu medema gaitoma kabi'ona. Tu omi'iyao ma gaitoma lakahi-mo'ena fa'ina gina'itave'avi-mo'emi, ami vaigau ginavelemi. Wona velemona yami vetumagana kabi'ona.

Tu ka'i omi'iyao ma koyokoyo wananuwakabubuyedi amine, tobohiyamiyao keke-mo'a wanavenuwa'atadi. E, keke kaliva matadiya yami nuwakabubu wanaseyemauneni, au Tamami anakaibe matane wananuwakabubuyedi be Bana'e ami laufata aimo ginavelemi.

Tu wana'itave'avimi. Keke omi ve'anuwanuwalakamiyao kaliva matadiya wanatafatafalolo be higa badi hinahawaveyamumuyemi fa'ina. Ka'i hidede amine wanahuluva digo, keke ami laufata yamumuna Tamami lobameya ginavelemi.

Kadu'e, omi ve'o'ola fa'ina wanalabelabewaviyo againe, keke badi meyadi luhei amine magigimi wana'ivebwanebwaneneni. Badi adi bela hikivekoyona be moya'aidi hinahalamanena higa hilabelabewaviyo. Gagahe velemo'ena badi'iyao ma adi laufata ahe hinuhagana, higa kaliva hihawaveyamumuyedi. Tu ka'i omi ve'o'ola fa'ina wanalabelabewaviyo amine, magigimi wanakolana ada wowomi wanabunamina be walabelabewaviyo ma kaliva keke hinahalamaneni fa'ina. Bana Tamami anakaibe ginahalamanena, Bana veuveuna amanadi, ada Tamami ase'asemi ana nuwanuwa gi'ita'itana-ma ami laufata ginavelemi.