Popular Bible Verses from Jenesis-Agafa 28

Share

Hanki antahio Nagra, kagrane mani'nena, inantega vanoma hananana, kva hunegante'na, ete kavre'na ama ana mopare egahue. Hanige'na Nagra onkatre'na, kema huvempa hugante'noa kea eri knare huvgaregahue.

Ana huno nezmagegeno Ra Anumzamo anante ontino mani'neno asmi'ne, Nagra Ra Anumzane, negageho Abrahamune, negfa Aisakigizni Anumzane, Menima mase'nana mopa kagri'ene, kagehe'ine tamigahue.

Jekopu'a avu msenereti otino anage hu'ne, Tmage huno Ra Anumzana amafi mani'negena nagra ontahi'noane.

Jekopu'a amanage huno huvempa hu'ne, Afete kama nevnugeno Anumzamo nagrane nevuno nagu'vazino ne'za ni'ane kukena'ni'ane naza nehanigena, mago knazamo navate osanige'nama nafa'nimofo kumate ete rukrahe hu'na uhanati su'na, Ra Anumzana, nagri Anumzane hugahue. Ama have eri retruroana, Anumzamofo no mesie. Mika'zama nami'sankeno'ma 10ni'ama fore'ma hanige'na, anampintira refko huna magoke kevua kamitere hugahue.

Kagripinti'ma fore hnaza vahe'mo'za kasepakna hu'za fore huhakare hu'za manigahaze. Zge fre kazigane, zge hanati kazigane, ruga raga agentega vu'za e'za hu'za mani titipa hu'za manigahaze. Kagri ene kagehe'impinti ama mopafi vahe'mo'za asomura erigahaze.

Agra ana nonkura Beteli'e huno agia antemi'ne. Korapa ana kumamofo agi'a Lusi'e huno me'neane.