Popular Bible Verses from EKISODO 20

Share

Ke nna Morena Modimo wa gago. Ke nna ke go ntšhitšego nageng ya Egipita ngwakong wa bohlanka. Ke se ke ka bona o na le medimo e šele.

O se ke wa itirela modimo wa go betlwa, le ge e le seswantšho se sengwe sa tše di lego kua legodimong, le ge e le sa tše di lego mono lefaseng, le sa tše di lego meetseng ka tlase ga lefase. O se ke wa di khunamela; o se ke wa di direla; ka gobane nna Morena Modimo wa gago ke Modimo yo bogale, e a latago bokgopo bja botatagobana go bana ba bona go fihla molokong wa boraro le wa bone mo go ba ba ntlhoilego.

Godiša tatago le mmago, gore o phele galelele nageng ye Morena Modimo wa gago a go fago yona.

Gopola letšatši la go khutša, o le kgethe.

O se ke wa bolela leina la Morena Modimo wa gago ka lefela; ka gobane e a bolelago leina la gagwe ka lefela Morena a ka se ke a mo lesa a sa otlwe.

O sware mediro ka matšatši a a selelago, o phethe mešomo ya gago ka moka. Ge e le letšatši la go šupa ke la go khutša, ke la Morena Modimo wa gago. Ka lona o se ke wa swara modiro le o tee, le ge e le wena, le morwa wa gago, le morwedi wa gago, le molata wa gago wa monna le wa mosadi, le seruiwa sa gago, le modiiledi e a lego dikgorong tša geno.

O se ke wa duma ntlo ya wa geno. O se ke wa duma mosadi wa wa geno, le molata wa gagwe wa monna le wa mosadi, le kgomo ya gagwe, le pokolo ya gagwe, le tšohle tše e lego tša wa geno.

O se ke wa bolela bohlatse bja maaka go wa geno.

O se ke wa otswa.

O se ke wa bolaya.

O se ke wa utswa.