Popular Bible Verses from JOHANE 12

Share

Ge motho a ntirela, a a ntatele. Mo nna ke lego gona, le mohlanka wa ka o tlo ba gona. Ge motho a ntirela, Tate o tlo mo godiša.

E a ratago bophelo bja gagwe, o tlo bo timetša. Gomme e a hloilego bophelo bja gagwe lefaseng leno, o tlo bo lotela bophelo bjo bo sa felego.

Ruri, ruri, ke a le botša, ge thoro ya mabele e sa wele mobung ya hwa, e tlo dula e nnoši; fela ge e hwa, ke gona e enyago dienywa tše ntši.

Ke tlile mo lefaseng ke le seetša, gore mang le mang e a ntumelago a se ke a dula leswiswing.

Ge motho a ekwa mantsu a ka, mme a se dumele, ga ke mo ahlole; gobane ga nka ka tla go ahlola lefase, ke tlile go le phološa.

Maria a tšea sebjana sa setlolo sa theko e kgolo, a tlotša dinao tša Jesu, a di phumola ka meriri ya gagwe; mme ngwako ka moka wa tlala monko wa setlolo seo.

Ba swara mahlare a molala, ba tšwela go mo gahlanetša, ba hlaboša mantšu ba re: Hosiana, go retwe e a tlago ka leina la Morena, Kgoši ya Isiraele.

Jesu a bolela le bona a re: Lebaka la gore Morwamotho a ye letagong la gagwe le tlile.