Popular Bible Verses from JOHANE 19

Share

Gomme Jesu ge a nwile mokgope woo, a re: Go phethegile, a duta hlogo a neela moya.

Ge go fetile lebaka, ge Jesu a tseba gore go phethegile tšohle gore go phethege mangwalo, a re: Ke nyorilwe!

Jesu ge a bona mmagwe, le morutiwa yo a bego a mo rata a eme le yena, a bolela le mmagwe a re: Mosadi, morwa wa gago šoo. A tsebo bolela le morutiwa eo, a re: Mmago šoo! Go tloga ka nako yeo morutiwa eo a mo iša gagabo.

Ge ba etla go Jesu, ba hwetša a šetše a hwile; ba lesa go mo roba maoto. E mongwe wa bahlabani a mo phula lehlakore ka lerumo, gwa napa go etšwa madi le meetse.

Dilo tše di diregile gore go phethege lengwalo le le rego: O se ke wa roba lešapo la yona. Le gona go na le lengwalo le lengwe le le rego: Ba tlo lebelela yo ba mo hlabilego.

Jesu a ya a rwele sefapano sa gagwe. Ba tšwela, felo mo ba rego ke Legateng. Ka Sehebere ba re ke Gologotha.

Bahlabani ba loga mphapahlogo ka meetlwa, ba o bea hlogong ya gagwe, ba mo apeša kobo ya matsaka.