Popular Bible Verses from Ñwaè' Luêk 11

Share

Wèe ce wèe yu ŋgǎa ŋgèe buu bbebep, à ka' riŋ à rfa buu bbòŋboŋ nè boo wee, yi ba yi kɛ àmbò yè Ta embe bùu. Mbò e be fa Yʉ' Rara nè bèe ce a loo enɛ e fa wowèe a?”

Banɛ m ce làa nè wèe enɛ wèe bipshi tɛ a bo fa nè wèe. Ròo nè tɛ wèe bo yɛ. Kùushi nè tɛ a bo mʉ̀' kèŋ nè wèe.

Yi yu wa'a njobè' ŋwɛ̀ wɛɛwɛ ce e ka' ce bipshi, banɛ e be koni. Ŋwɛ̀ ce e ka' ce ròo, banɛ e be yɛ. Ŋwɛ̀ ce e ka' ce kùushi banɛ a be mʉ̀' kèŋ nè ye.

E m làa nè wowèe enɛ̂, “Wèe à ka' ce gèe rloo, wèe laa weenɛ̂, ‘Tàr, tɛ lo rlii li ba rrara, tɛ yo kʉʉ yi kɛ'.

Fòosi wèr yèr buu bbebep, njobè' wer wèr e ke fòosi ŋwɛ̀ wɛɛwɛ ce e gèe yuu bebep nè wèr. Fa mà'shi tɛ rmòoshì li vʉ nè wèr ka'.’ ”

Fa wèr byee à mnòŋ wɛɛwɛ.

Mo mmir mi yu àmbò lam wa'a nè yò nyor. Mo mmir mi ka' ba mmbòŋmboŋ banɛ rraa li yu à yò nyor wɛɛwɛ. Geewa'a, mo mmir mi ka' bep banɛ yò nyor wɛɛwɛ yu à tʉ̀'nji.

“Àde' ŋwɛ̀ cʉ' lâm, tɛr ba mbe dì' ce bèe a be buu efa ryɛ kɛ̀ lor ghee kʉpshi àgho ka'. Ŋwɛ̀ à ka' cʉ' lâm, banɛ e be tɛr ba mbe tɛbùr tɛ bèe ce a ce niŋ mbe ndàp a bo yɛ àmbò ndap ce raa.