Popular Bible Verses from Matiu 5

Share

Katutaio in ungangon tar tu lam ma in wop bat tari nama paket. Awu! Din ubek tari ut netes una nun a turtur, sur in talapor torom det rop ra det kis una rumu. Lenkutkai ra, anumot a talapor in sisio umatan a taro, sur det in tama anumot a kum wakak na pinapam, ma det in watung ulabo pas a Tamamot ra i kis sapat una langit.

“Mot a talapor tagun a rakrakon bual. Tu tamon ra i kis netes una tangai, ken parau lar pas.

Det ra a nuknukin det katu dur uni, det dan, uni det in tama o God.

Det ra det murak ma det muruk sur a tokodos na petutna, det dan, uni numur det in masur.

Ikut iau, a watungi tamot lena, mot in nem anumot a kum ebar, ma mot in wararing sur det ra det ban laulau mot.

“Det ra det tasmani lena det sibo una niondet, det dan, uni anundet a matanitu tagisapat una langit.

Det ra det ser umalmal a taro, det dan, uni o God in watung det a kum nutnutunu.

Det ra det domos nama tupunuk, det dan, uni o God in umarom det.

Det ra di ban laulau det uni det mur a tokodos na petutna, det dan, uni anundet a matanitu tagisapat una langit.

Det ra a kum tene marmaris, det dan, uni o God in maris det kai.

“Mot dan ra di watung laulau mot, ma di ban laulau mot, ma di watung a kum torotoro na wasiso un mot lena mot pam a kum sakino petutna, uni mot tagun iau. Mot in gas, uni i labo sakit anumot a ikul sapat una langit. Uni di sa ban laulau mugu tar a kum poropet ra det laun numugu tamot, lenkutkai ra di pami un mot.

Det ra det unatino pas det, det dan, uni det in los pas a rakrakon bual sur anundet.

“Mot a sol tagun a rakrakon bual. Ikut, ra a makasmanino i sa rop, din umakasman meleti mo pepetlai? Katu utna mo i gas uni. Din woro pirso ru i unago utamon, ma a taro det in papapas mukut netes uni.

I mo ra mot in tokodos mulus, elar nama Tamamot ra i kis sapat una langit, i tokodos mulus.”

Mot in watungi kut lena ‘ma’ o ‘awu’. Uni, ra mot in watung tu ngas na wasiso melet, i ra i wanpat mukut tan a Tene Sakino.

“Mot sa longoro tari ra di sa watung tari lena, ‘Ra taio in liok ru tin matan taio, din balu i toromi, din liok ru i kai tin matano. Ra taio in tubul pak ru tin lokon taio, din balu i toromi, din tubul pak ru i kai tin lokono.’ Ikut iau, a watungi tamot lena, gong mot balu a sakino anun taio ra i pami torom mot. Ra taio in pasor tar a papor sot na wam, un pukus ara papor bulung toromi.

Ra in nosot na matam in ben raro ui, liok ru i, ma un woro gisen ru i. In wakak ra ara du pinim kut din woro ru i, sur gong di woro a pinim rop una labino sungun. Ra a sot na lamam in ben raro ui sur a sakino, un kutus ru i, ma un woro gisen ru i. In wakak ra ara du pinim kut din woro ru i, sur gong di woro a pinim rop una labino sungun.