Popular Bible Verses from Matiu 5

Share

Moletin tovuol xa vasahan laet, ti, vaha vaso xati ni pesin tova. !E‑e! Xi di misoxolen ni de nesao tengan ti ileluv kuhi e vangit nim ve moletin xil xa ladi en. Nggusil sexien nen tak, laet te neketen namim ileluv kuhi iha mi moletin xil. Imak, ma melele xa moletin xil lipus sexien hos xil namim, xil ti lipet rat his Hi Tamemim xa de ut nesao.”

“Xamim munggoni laet tei xa di mileluv ba mi moletin xil e ut etan. E nggoni ngan taxa taon tei xa de nesao e hu tei misakras vaxus, neketen namim mun, moletin xil ti lipus kila.

Tuxolxatien iti mi ngan xil xa langgusil xat Hi del nenemien xa memese, vengan xa hisit moletin xil xa lamak lipus kuh Hi sung ni metexil.

Tuxolxatien iti mi ngan xil xa iexil bei pupu ni tengan limal pe met Hi, vengan xa xosxa imak, ma xi ipol ni mei ihe reitin e meulien nae.

E inou nabiteni mi xamim xa iemim ti ihei elu namim xil e ti musis ve ngan xil xa di lapurun xamim.

Iesu biteni mi xil bit, “Tuxolxatien iti mi ngan xil xa lamei visal Hi be he hon tang, vengan xa xi mei ihe suv toto nae e ilaxat kuh hisit moletin xil xa lamak.

Tuxolxatien iti mi ngan xil xa di laling tomat di mi moletin xil, vengan xa likes hisit moletin xil xa lamak ni horamue xil na Hi.

Tuxolxatien iti mi ngan xil xa di ladang, vengan xa Hi ipet rat nenemien na hisit moletin xil xa lamak.

Tuxolxatien iti mi ngan xil xa di langgur longpangasien vengan xa di lapol ni naha xa momal pe met Hi, vengan xa Hi mei ihe suv toto na hisit moletin xil xa lamak e ilaxat kuh xil.

Tuxolxatien iti mi ngan xil xa esaeen nae di e mosav xil, vengan Hi ipisen sexien te esaeen mi hisit moletin xil xa lamak.

“Tuxolxatien iti mi xamim melele xa moletin xil di lasep xar ba ni xamim, di lasa pangasien mi xamim, e di lasep usil xamim ni luvosen xil hao xa misa pupu vengan xa di munggusil xat nou. Reitin, texo sexien nen xil tak, latesa pangasien teha mi provet xil xa lateti tetiamu ni xamim. E muhesi xamim tang vengan muhur huite teni sung xa ihe eilep e ut nesao.”

Tuxolxatien iti mi ngan xil xa labe hanmerou e nenemien nae be tan, vengan xa Hi isa rute xil vus e ut etan ihe na hisit moletin xil xa lamak.

Iesu misepin rilomun bit, “Xamim munggoni sol xa lalingi del xat moletin xil te ut etan. ?E xosxa neta xa di misak ni sol ak bos be relingi, ma lipol ni mei ihos rilomun itep? !Lasakras lapol ni vamak! Sol xa tavos ti, lasakras lapol ni ti neta ni. Bos tengan liso ni iha e moletin xil ti lihes tan tang en.

“E xamim, bos xa mumal tevi ixoni ngan taxa Tamemim xa de ut nesao momal tevi.”

Mak, ma melele xa mubit neta tei, muhiteni tang muhit, ‘Io, be reitin,’ mu, ‘E‑e, tave reitin ti.’ Vengan xosxa musuv xat sepinien namim ni neta tei, ma sexien ak nggo Temat vari tang.”

Iesu pispisi mun mi moletin xil bit, “Xamim mutelonge xa Mosis tesa rae tei mi avu nar xil tetiamu tehit, ‘Xosxa moletin tei purun met moletin sav, ma ngan xil te lepisien lipurun meten. E xosxa moletin tei diroh luh moletin sav, ma xi mun, litiroh luhon.’ E inou nabiteni mi xamim xa munasa rilomun ni ti sexien tesa mi moletin tei xa pol misa mi xamim. Mak, ma xosxa moletin tei mei mileves vim metu, umaen ni mun ileves vim meil.

“Xosxa metom metu isak ni xouk umot e tesaen, ukis rati e uso ni iha. Ihos mak mu xa rut tenbom tang ikesae, ili ngan xa liso sen tenbom xil vus ha ikesae e Upang xa misakras vamat. E xosxa hem metu isak ni xouk umot e tesaen, uta xotehi e uso ni iha. Ihos mak mu xa rut tenbom tang ikesae, ili ngan xa liso sen tenbom xil vus ha ikesae e Upang xa misakras vamat.”