Popular Bible Verses from Mariko 14

Share

Era yaakoba ati: “Abba, Lata, byonabyona obisobola. Ntoolaaku ekikopo kino aye ti nga nze bwe nhenda, aye nga iwe bw'oyenda.”

Mumoge era musabe, mulobe kukemebwa kuba omwoyo mumalirivu aye omubiri munafu.”

Bwenebwene ka mbakobere nti mu nsi yoonayoona buli Amawulire Amalungi ye galikoberwa, omukazi ono ky'akoze kyona kinaayogerwangaku, okumwidhukira.”

Era yaabakoba ati: “Ndi n'enaku ku mwoyo eyenda na kundhita. Imwe musigale ghano mukuume.”

Bwe baali bali kulya Yesu yaatoola omugaati, yaagugha enkabi nga yeebaza, yaagumegulamegulamu, yaabagha, yaakoba ati: “Mulye, guno n'omubiri gwange.”

Era yaatoola ekikopo, yeeyanza, yaakibagha, baakinhwaku boonaboona. Era yaabakoba ati: “Guno n'omusaayi gwange ogw'endagaano empyaka ogunaayuyika ku lw'abantu kamaala.

Agho Yesu yaabakoba ati: “Imwe mwenamwena mwidha kuneegaana kuba kyaghandiikibwa kiti, ‘Ndiita omwayi, n'entaama dhaasansaana.’

Musituke tuje, anampaayo ali kumpi.”

Yesu yaamukoba ati: “Bwenebwene ka nkukobere, mwene iwe olwaleero obwire, enkoko enaaba ekaali kukolyoka mikuzi ebiri, ng'oneegaine emikuzi esatu.”