Popular Bible Verses from Kawikaan 14

Share

Maaaring sa tingin mo ang daang tinatahak mo ay matuwid, ngunit kamatayan pala ang dulo nito.

Ang payapang isipan ay nagpapalusog ng katawan, ngunit ang pagkainggit ay tulad ng kanser sa buto.

Ang mapagpasensya ay mas higit ang karunungan, ngunit ang madaling magalit ay nagpapakita ng kahangalan.

Ang marunong na babae ay pinatatatag ang kanyang sambahayan, ngunit ang hangal na babae ay sinisira ang kanyang sariling tahanan.

Ang taong may takot sa PANGINOON ay may kasiguraduhan at siya ang kanlungan ng kanyang sambahayan.

Ang pagkatakot sa PANGINOON ay magpapabuti at magpapahaba ng iyong buhay at maglalayo sa iyo sa kamatayan.

Ang taong marunong ay iniingatan ang kanyang sarili at umiiwas sa gulo, ngunit ang taong hangal ay walang pag-iingat at padalos-dalos.